Feeds:
Posts
Comments

 

ချင်းပြည်ရောက်တုံး ကဖေးကန်ပက်လက်ဆိုတဲ့ ကော်ဖီဆိုင်လေးမယ် ထိုင်မိတယ်

အဲဒီမယ် ဒေသခံတွေနဲ့ စကားရော ဖောရောလုပ်ရင်း အောင်န်ထာန်ဆိုတဲ့ ချင်းတစ်ယောက်က သူ့ဘကြီးအကြောင်း ပြောတာကြားခဲ့ရတယ် သူ့ဘကြီးနာမည်က လန်ထာန်တဲ့ လန်ထာန်က ရန်ကုန်တက္ကသိုလ် တစ်နှစ်လောက် သွားတက်ပြီး ပြန်လာထဲက ငါးမျှားရတာ စွန်းဝါသနာပါလာသတဲ့ ပေ ရှစ်ထောင် တစ်သောင်းမြင့်တဲ့ အဲ့လိုနေရာမယ် ငါးမျှားဖို့ဆိုတာ လွယ်တဲ့ကိစ္စ မဟုတ်ပုလေ

ဒါပေမယ့် အဲဒီအချိန်လောက်တုံးက ခေါနုစုမ်တောင်ထိပ်မဲ ရေကန်ကြီးရှိသတဲ့ လန်ထာန်လဲ အဲ့တောင်ပေါ်ကန်မယ် အမြဲသွားသွားပြီး လှေလေး တစ်စင်းနဲ့ ငါးမျှားမျှားနေဆိုပဲ တခါတလေ ညဘက်လဲ တောင်အောက်ပြန်မဆင်းဘဲ နေတယ် လသာသာ တောင်ထိပ်မယ် ငါးမျှားရတာကတော့ စွန်းဖီးကောင်းမှာ သေချာတယ်

တခါသားတော့ လန်ထာန် အဲလို တျောက်ထဲ ညဘက်ငါးမျှားနေတုံး သူ့လှေပေါက်ပါလေရော သေချာကြည့်လိုက်တော့ လှေကပေါက်တာတောင်မုတ်ပု ကွဲတာတဲ့ လန်ထာန်လဲ လှေကွဲကို ထားခဲ့ပြီး ကမ်းထိကူးဖို့ လုပ်ပေမဲ့ ကမ်းက အတော်ဝေးနေတာနဲ့ အနားမယ်တွေ့တဲ့ ရေမျောသစ်လုံးတစ်လုံးကို မှေးပြီးနေရတယ် သူ့ကြံခိုင်မှုနဲ့ဆို သစ်လုံးကို မှေးပြီး ကမ်းထိ ခတ်သွားမယ်ဆို ဖြစ်နိုင်လောက်တယ်

ဒါပေမယ့် အဲဒါ ပေတစ်သောင်းကျော်အမြင့်က ရေကန်ထဲမှာဆိုတော့ ရေက မခံမရပ်နိုင်လောက်အောင် အေးနေတယ် လန်ထာန်အနေနဲ့ တကိုယ်လုံး သစ်လုံးပေါ် ရောက်ပြီး ရေနဲ့ တတ်နိုင်သမျှ မထိအောင် ငြိမ်ငြိမ်လေး နေနေရတယ် ရေနဲ့ထိလိုက်တဲ့အပိုင်းက တချက်တည်း ထုံတက် ကျဉ်တက်လာတော့တယ် ညနက်လာတော့ အိပ်ငိုက်ပြီး တုံးပေါ်က ပြုတ်မကျအောင်လည်း အတော်သတိထားရသေးတယ်

အဲဒီအချိန်တုံးက ခေါနုစုမ် တောင်ထိပ်ပေါ်လည်း တစ်ပတ်နေလို့မှ လူတစ်ယောက် မရောက်တတ်ကြတော့ ကယ်မယ့်လူတွေ လှေတွေ မျှော်ဖို့ကလည်း မဖြစ်နိုင်ပုလေ ရေနဲ့ မထိအောင် ဂရုစိုက်တဲ့ကြားက ရေစိုထားတဲ့အ၀တ်တွေ တိုက်နေတဲ့လေတွေကြောင့် ငါတော့ မနက် လာကယ်မယ့်လူကိုထားဦး ဒီညတောင် ခံနိုင်ပါ့မလားဆိုပြီး လန်ထာန်ရဲ့စိတ်ထဲ ဖြစ်မိသတဲ့

အဲလိုနေရင်း ခဏနေတော့ ကောင်းကင်မယ် ဖျတ်ဖျတ် ဖျတ်ဖျတ်နဲ့ အလင်းရောင် တစ်ခုကို မြင်လာရတယ် အေးကလည်းအေး လူကလည်း စိတ်ကယောက်ကယက်နဲ့ ငါ့များ ကယ်ရအောင် ကောင်းကင်က အဇုန်းနတ်သမီးများ ဆင်းလာပြီးလာ ထင်မိတယ် ဒါပေမယ့် အဲဒီအလင်းရောင်လေးက တဖြည်းဖြည်းကြီးလာလိုက်တာ နတ်သမီးမဟုတ်မှန်း သိလာရတယ် ပိုကြီးကြီးလာ နီးနီးလာတော့ မီးလောင်နေတဲ့လေယာဉ်တစ်စီးမှန်း သိလိုက်ရတယ် လေယာဉ်က လန်ထာန်ဆီ တည့်တည့် စိုက်ဆင်းလာတာဆိုတော့ ရေကန်ထဲမှာ ရေနစ်လို့မသေဘဲ လေယာဉ်တိုက်လို့ သေရချည်ဆိုပြီး မျက်စိကို စုံမှိတ်ထားလိုက်သတဲ့

နွားနောက် တစ်မိတ်လိုက်လောက် ကြာသွားတော့ နားထဲမယ် အုန်းခနဲ အသံကြီးကြားလိုက်ရပြီး ရေလှိုင်းကြီးကလည်း လာရိုက်တာနဲ့ သစ်တုံးကို မြဲမြဲ ဖက်ထားလိုက်ရတယ် မျက်စိကို ပြန်ဖွင့်ကြည့်လိုက်တော့ ရေကန်ထဲ နစ်စပြုနေတဲ့ လေယာဉ်ကြီးကို ခပ်လှမ်းလှမ်းမှာ မြင်လိုက်ရတယ် နစ်စပြုနေတယ်ဆိုတာ ထက်ပိုင်းကျိုးသွားတဲ့ လေယာဉ်ရဲ့ နောက်တပိုင်းကို ပြောတာ ရှေ့တပိုင်းကိုဆို မြင်တာင် မမြင်ရတော့ပုတဲ့ လန်ထာန်လည်း ရေရဲ့ အအေးဓာတ်ကိုတောင် မေ့သွားပြီး လေယာဉ်ကြီးဆီကို ဦးတည်ပြီး အတင်း ခတ်သွားလိုက်တယ်

ဒါပေမယ့် သူအဲဒီနားရောက်သွားတဲ့အချိန်မှာ ရေပြင်ပေါ် တက်နေတဲ့ ပလုံစီတချို့ကလွဲလို့ လေယာဉ်ပျက်ရဲ့ အစအန လေယာဉ်ပေါ်ပါလာတဲ့လူ ပစ္စည်းအစအန ဘာတစ်ခုမှ မတွေ့ရတော့ဘူး လန်ထာန်လည်း သစ်တုံးပေါ်မယ် အသာလေး ငြိမ်နေမိတယ် လူကလည်း ရှိစုမဲ့စုအားကို အတင်းသုံးပြီး ခတ်လိုက်မိတော့ သတိလွတ်ချင်ချင် ဖြစ်နေပြီ အဲဒီမှာ ကောင်းကင်မယ် နောက်ထပ် အလင်းရောင်တွေ အများကြီး တွေ့လိုက်ရသလို ထင်လိုက်မိတယ်

တကယ်က လန်ထာန်ထပ်တွေ့တဲ့ အလင်းရောင်တွေဆိုတာက ခုနက မြှပ်သွားတဲ့ လေယာဉ်ကြီးအတွက် လိုက်လာတဲ့ ကယ်ဆယ်ရေး ရဟတ်ယာဉ်တွေပဲ ရဟတ်ယာဉ်သုံးလေးစီးနဲ့ တတောင်လုံးကို ပတ်ပြီးဝိုင်းရှာကြပေမယ့် လေယာဉ်ပေါ်က လူတစ်ယောက် ပစ္စည်းတစ်ခုတလေတောင် မတွေ့ကြရဘူး သူတို့တွေ့ရတာက ရေကန်ထဲက သစ်တုံးပေါ်မယ် သတိလစ်နေတဲ့ လန်ထာန်ပဲ ပထမတော့ သူတို့လဲ လန်ထာန်ကို လေယာဉ်ပေါ်က ခရီးသည်ပဲထင်တယ် လန်ထာန်က မဟုတ်ပါဘူးလို့ အတင်းပြောတာတောင် လက်မခံကြဘူး

နောက်ဆုံး လန်ထာန်ကို ကန်ပက်လက်ကို ပြန်သယ်လာပြီး တာဝန်ရှိသူတွေနဲ့ စစ်ဆေးပြီးမှ လေယာဉ်မြုပ်ခါနီးတုံးက ကျနော် ကန်ထဲမှာ ငါးမျှားနေတာပါဆိုတဲ့ လန်ထာန်ရဲ့ ဇာတ်လမ်းကို ယုံသွားကြတော့တယ် တခြားအနီးပတ်ဝန်းကျင်တ၀ိုက်လည်း လေယာဉ်ပျက် အစအန တခုတလေ မတွေ့ရတော့ လေယာဉ်ကြီးဟာ ရေကန်ထဲပဲ မြှပ်သွားတယ်ဆိုတဲ့ လန်ထာန်ရဲ့ ထွက်ချက်ကိုလည်း အတည်ယူလိုက်ကြရတယ်

အောင်န်ထာန်ကတော့ သူ့ဘကြီးကိုယ်တိုင် ပြောပြတာ နားထောင်ရရင် ဒီဇာတ်လမ်းက ပိုကောင်းတယ်လို့ ပြောတယ် သူ့ဘကြီးက ခုတော့ ကန်ပက်လက်မယ် မနေတော့ဘူး လေယာဉ်ပျက်တာနဲ့ ကြုံပြီး မကြာခင် အိမ်ထောင်ကျပြီး မင်းတပ်ကနေ မတူပီသွားတဲ့လမ်းပေါ်က ရွာလေးတရွာကို ပြောင်းသွားပြီ လန်ထာန်ဟာ ခုထိ အဲဒီရွာမယ် သက်ရှိထင်ရှားရှိသေးတာမို့ တွေ့ချင်ရင် သွားတွေ့ပြီး မေးလို့ရတယ်လို့တောင် ကျော့်ကို ပြောလိုက်သေးတယ်

 

-မဆ

Advertisements

(ပီကာဆို ပန်းချီများ၏ နောက်ဆက်တွဲ)

 

အဲဒါကို ပထမဆုံး စတွေ့တာ ကျုပ်ပဲ။

 

ဒင်းက ခြေသုံးခြောင်းနဲ့၊ ခေါင်းနှစ်လုံးနဲ့ဗျား။

ကျုပ်တို့ထဲက အသက်အကြီးဆုံးလူတောင်မှ

အဲဒါမျိုး ကြားလည်းမကြား မြင်လည်းမမြင်ဖူးဘူးဆိုပဲ။

အိမ်နားနီးပါးတွေအားလုံး လမ်းပေါ်ကနေ တိုးဝှေ့ကြည့်ကြတယ်၊

နောက်တော့ တစ်ရွာလုံးပါလာပါလေရော၊

အံ့ဖွယ်အဖြစ်က တစ်နယ်လုံးက လူတွေကို ဆွဲခေါ်လိုက်တယ်။

အဲဒီ မကောင်းဆိုးဝါးကို ဒင်းအမေကြီးက

လျှာနဲ့ ရက်ပေးနေတာ ကျုပ်တို့ ကြောက်ကြောက်နဲ့ ကြည့်နေခဲ့ကြတယ်။

 

အဲဒါ စစ်ကြီးဖြစ်နေတုံး အီစတာ တနင်္ဂနွေတစ်ရက်ပေါ့။

 

“ဘုရားရိုက်တာ ဘုရားရိုက်တာ”လို့ အဘွားကြီးတစ်ယောက် ရေရွတ်လိုက်တယ်။

မိန်းမတွေအားလုံး အဲဒီအတိုင်း လိုက်မြည်တမ်းကုန်ကြတယ်။ ယောက်ျားတွေကတော့

မိန်းမတွေရှေ့ ပိတ်ရပ်ပြီး သုန်သုန်မှုန်မှုန်နဲ့ ကြည့်နေကြတယ်။ တစ်ယောက်တစ်ခွန်း ပြောအပြီး

ကလေးတွေကို အိမ်ဖက်ဆီ ပြန်မောင်းထုတ်လိုက်ကြတယ်။

 

“အပြစ်လောကထဲက အပြစ်သားပဲ” အဘွားကြီးက

ထမြည်ပြန် ကျန်တဲ့လူတွေ လိုက်ရွတ်ကြပြန်တယ်။

ယောက်ျားသားတွေကတော့ ဝေခွဲမရပုံမျိုးနဲ့ ၀ိုင်းပတ်ရပ်နေကြတယ်။

 

“သိပ်တော့ မခံလောက်ဘူး မတ်တပ်တောင် မရပ်နိုင်တာ ကြည့်ပါလား”

“ဒင်းဒုက္ခကို အဆုံးသတ်ပေးရမယ်”

ဒါပေမယ့် ဘယ်သူမှတော့ ရှေ့ထွက်မလာကြဘူး။

 

“အပြစ်ကင်းတဲ့သွေးတွေပဲ၊ အပြစ်ကင်းတဲ့သွေးတွေ။ ဘုရားသခင်

ကိုယ်ထင်ပြတော်မူတယ်။ အို .. သူ့ရဲ့တစ်ဦးတည်းသောသား။ သိုးငယ်ရဲ့ မွန်မြတ်သောနေ့မှာ..”

“ဘာပေါက်ကရတွေ ပြောနေကြတာလဲ” တစ်ယောက်ယောက်က မိန်းမတွေကို ငေါက်လိုက်တယ်။

 

သိုးအမေကြီးကတော့ သူ့ရဲ့မကောင်းဆိုးဝါးလေးကို အသာအယာပဲ

ဆက်လျက်ပေးနေတယ်။ မီးဖွားပြီးစ မိခင်တစ်ယောက်ရဲ့

အပျော်တစ်ခြမ်း နွမ်းနယ်မှုတစ်ဝက်ပါတဲ့အကြည့်နဲ့ ၀ိုင်းနေတဲ့လူတွေကို

ရီဝေေ၀ လှမ်းကြည့်တယ်။ နောက်တော့ တစ်ချက်တုန်သွားပြီး

ဓမ္မတာအတိုင်း

အချင်းချလိုက်တယ်။

 

“အံ့စရာပဲဟေ့၊ ငါပြောမယ်၊ အံ့စရာပဲ”

“ပြတိုက်ပို့ဖို့ကောင်းတာဗျ”

“ဟေ့ကောင် မင်းတို့တော့ ပွပြီ” တစ်ယောက်ယောက်က

မိန်းမတွေကို ခဏလောက် တိတ်သွားအောင် လုပ်လိုက်ပြီးတော့

အဲဒီအသံတွေ ထွက်လာပြန်တယ်။

 

“မတ်တပ်ထ ရပ်ချင်နေပုံပဲ”

“တိရိစ္ဆာန်ဆရာဝန် ခေါ်ဟ”

“တိရိစ္ဆာန်ဆရာဝန်ကဖြင့် ရှေ့ရောက်နေပေါ့”

 

ဒင်းခမျာ လုံးဝကို ထမလာတာ။ သိပ်မကြာခင်ပဲ သေရှာတယ်။

ကျုပ်တို့မလည်း ခုမှ စိတ်သက်သာရာတွေရ အိမ်ကိုပြန်ကြတော့တယ်။

 

တစ်နွေလုံး စကားပြောရင် အဲဒီအကြောင်းက ပါ ပါလာတယ်။ တစ်ယောက်ကဖြင့်

အဲဒါကို ပြန်ဖော်မယ်တောင် ကြံသေးရဲ့။ နောက်တော့

မေ့သွားကြတော့တယ်။ ကျုပ်တို့ သိဖူးကြုံဖူးသမျှ

သဘာဝတရားရဲ့ တခြားချောက်ခြားစရာတွေကြားထဲမယ်

တဖြေးဖြေး ဟန်ကျပန်ကျ ဖြစ်သွားတော့တယ်။ နောက်တော့မှ ကျုပ်လည်းသိလာရတယ်။

အဲဒီအချိန်လောက်တုံးက ခြေခြောက်ချောင်းနဲ့ မြင်းတွေ နွားတွေ မွေးတာ၊

ဥရောပနေရာ အတော်များများမှာ မျက်လုံးလေးလုံး ခေါင်းနှစ်လုံး မိန်းမတွေ

တစ်ငိုတည်းငိုနေရတာ၊ ဂျပန်မှာတော့

အားလုံး ခရစ်ယာန် မဟုတ်ပေမယ့် အီစတာသိုးပေါက်စရဲ့

ချောက်ခြားစရာ အမှတ်ရဖွယ်အကြောင်းဟာ

အတော်လေးကို အသက်ဝင်နေသေးတာတွေကိုပေါ့။

 

မူရင်းကဗျာဆရာ – Sándor Kányádi

မူရင်း ကဗျာ – Easter Lamb

မူရင်းဘာသာ – ဟန်ဂေရီ

အင်္ဂလိပ်ဘာသာသို့ ပြန်ဆိုသူ – Paul Sohar

 

ကြွေပြားကပ် ကောင်တာမယ်

သွေးနဲ့နေရောင်ဟာ ပေကျံနေပြန်ပေါ့

မြို့ကလေးရဲ့ စတိုးဆိုင်အိုဆီမယ် သားသတ်တဲ့နေ့ ရောက်လာပြန်ပေါ့

သားသတ်သမားဟာဖြင့် ပြုံးရယ်လို့

သူ့လက်က သွေးတွေကို သုတ်ပစ်နေပြန်ပေါ့

ရေဒီယိုမယ် ဟန်ဒယ် ရဲ့ သီချင်းလာနေပြန်ပေါ့

ဆံပင်နက်နက်နဲ့ လာနေကျဖောက်သည်ရဲ့ အထက်ဆီမယ်

နှင်းဆီရိုင်းတွေ ဝေနေပြန်ပေါ့

 

မူရင်း ကဗျာဆရာမ – Judita Vaičiūnaitė

မူရင်း ကဗျာ – Store

မူရင်းဘာသာ – လစ်သူရေးနီးယား

အင်္ဂလိပ်ဘာသာ ပြန်ဆိုသူ – Rimas Uzgiris

၁ – Handel

၂ – dog rose

သေဖို့
ရုတ်တရက်ကြီး တွန့်ဆုတ်
Till Death Do Us Part သီချင်းကိုဆိုရင်း
ရှင်သန်ခြင်းတွင်းနက်ထဲ ခုန်ချလိုက်တယ်။

နိုင်ငံသား အထောက်အထား
ဘုရားရှိခိုး အမျိုးမျိုး
အချစ်အကြောင်းပါသော ရုပ်ရှင်များ
စိတ္တဇမြစ်နှစ်စင်းရဲ့ လားရာ
ဝမ်းနည်းဝမ်းသာ
ရွာသွန်းလွယ်တယ်
အငွေ့ပျံလွယ်တယ်။

တည်ငြိမ်သယောင် ပင်လယ်ပေါ့
ပျော်စရာကို ဆားခတ်ထားတယ်
ရင်ဗလာ ရေသူမ
လက်တံရှည် ခရေကန်*
စိတ်နဲ့ကူးရတာမှာ ခြေပစ်လက်ပစ်
မောပန်း။

အချစ်အကြောင်းလို့ပဲ ဆိုပါစို့
ငါတို့
ငြီးငွေ့စရာကို ဆက်လက်ငြီးငွေ့ကြတယ်။

* Kraken

ပီမို

Riding a Lawn Mower

Bra ဆိုက်ကို ဘယ်လိုတိုင်းမလဲ ကိုဇေယျာ..
မက္ကဇင်ဂေါ်ကီရဲ့ အမေဟာ နီယွန်ဒီမွန် သို့မဟုတ် အဆွေးပဲ
အရည်စို့နေတဲ့ မှိုပွင့်ကြီးကို ချိန်ထားတဲ့
သေနတ်ကတခြား အကြည့်ကတခြား
အိုး(*)သို့အလွမ်းဟာ
မြှောက်ကြည့်လိုက်ရင် ၅၆.၅ စတုရန်းလက်မရှိတယ်
မတော်တလျော်ကျော်ကြားတဲ့ အချစ်ဟိုတယ်မှာ
အရိုင်းဆန်ဆန် သဘာဝတရားကို ခံစားနိုင်ပြီပေါ့
သူမရဲ့ဘားကုဒ်ကို ဖတ်ကြည့်နေမိတာ
ကြိုးစားရင်းကြိုးစားပြီး
အလှတရားဟာ ရေတွက်ခံဖို့
Soi 4 မှာ စိမ့်ထွက်နေတယ်
.
* အိုး = POT

မဆ

 

တမန်တော်ဟာ ငွေရောင် ဂျက်ကက် အင်္ကျီအိတ်ထဲ သူ့လက်တွေ ထိုးထည့်ထားတယ်

 

စားပွဲပေါ်မယ် လိမ္မော်သီးနီတွေ လိမ့်နေတာ

စားပွဲတစ်ဘက်ကနေ ကျမတို့ ကြည့်ကြတယ်။

ခုန်နေတဲ့အလင်းက ကျမကို ပြတယ်

အပြင်ဘက်မယ် ဆီးပင်တွေဟာ ရှေးခေတ်စစ်သည်တော်တွေ အပြစ်ပေးခံရတဲ့အခါဖြစ်သွားတဲ့

ပြားချပ်ချပ်အလောင်းကောင်တွေနဲ့ တူနေရဲ့။

 

သူ့ပုံပန်းက ထူးခြားတာမရှိ၊ ဒင်းကတော့ ယုံရတယ်ဟေ့လို့ပြောလေ့ရှိကြတဲ့

သစ္စာတော်ခံပုံမျိုးလေ။

အနာဂတ်အတွက် အချိန်ဇယားတစ်ခုကို အပြီးသတ်နေရသလိုမျိုး

တိတ်ဆိတ်ခြင်းရဲ့ နောက်ကွယ်မှာ တိတ်ဆိတ်ခြင်းဟာ စကားကို သွက်သွက်ပြောနေ။

 

ကျမရဲ့အထဲက ကျမထွက်လို့မရ

ပြေးရတာလည်း မဟန်

ရုန်းရကန်ရတာလည်း မဟန်

ခုန်ထွက်သွားဖို့လည်း မဟန်

ကောင်းကင်နဲ့ မြေကြီး ရွေ့သွားအောင် ကျမလုပ်နိုင်သမျှက

ဟောဒီ စိတ်ပျက်ဖွယ် နေ့လည်ခင်းထဲ လျော့တိလျော့ရဲ ထိုင်နေရုံ

အချိန်နဲ့ ကျမကြား ဆက်ဆံရေးဟာ အဆင်မပြေခဲ့တော့

ကျမ သူ့ကို ရှောင်နေရုံပဲလေ။

 

လ ထွက်လာပြီး သူ့ရဲ့မောင်းကလေးကို တီးလိုက်တယ်

ကျမလည်း တံခါးကို ဖွင့်လိုက်တယ်၊ ဆည်းဆာရဲ့ နောက်ဆုံးအလင်းထဲ ကျမ သေမင်းရဲ့ တမန်တော်ကို လိုက်ပို့ခဲ့တယ်

ပြီးတော့ သူနဲ့ ကျမ ကိုယ့်လမ်းကိုယ် ဆက်သွားကြတော့တယ်။

 

မူရင်းကဗျာဆရာမ – Wang Xiaoni

မူရင်းကဗျာ – Meeting Death’s Envoy on a Winter Afternoon

မူရင်းဘာသာ – တရုတ်

အင်္ဂလိပ်ဘာသာပြန်ဆိုသူ – Eleanor Goodman

၁။ ဆန်းကစ်နီနီဆိုရင်တော့ ပိုမှန်မယ်။