မိုးကုတ် (၁)

 

နေ့လည်စာကို ၂၃လမ်းနဲ့ ၈၄လမ်းထောင့်က ရှမ်းလက်ရာမှာ စားကြတယ်။ အသားဟင်းတွေစုံပေမယ့် ဂျူးဖူးကြော်ကိုပဲ တခုတ်တရဖြစ်မိတယ်။ ပြီးတော့ ကားဂိတ် (ရွှေတြိဂံတက္ကစီဂိတ်)သွားတယ်။ မိုးကုတ်ကို တစ်ယောက် တစ်သောင်းခွဲတဲ့။ စီးလုံးငှားရင် လေးသောင်းခြောက်ထောင်။ ကျုံးအရှေ့ဘက်ကိုပတ်၊ အမ်စီဒီစီတံဆိပ်နဲ့ ဆိုင်းဘုတ်လေးတွေအများကြီးတွေ့ရတယ်။ နန်းမြို့ရိုးကတော့ နှစ်နှစ်ရာနီးပါးသက်တမ်းနဲ့ အညီ အိုမင်းဟောင်းနွမ်းနေရဲ့။ ပလတ်စတစ်ခုံလေးတွေချထားတဲ့ လမ်းဘေးဆိုင်လေးတွေ ကျုံးဘေးမှာတွေ့တယ်။ ညနေခင်းအတွက်ပြင်ဆင်ပုံပဲ။ အခုလို နေ့လည် ၂နာရီအချိန်မှာတော အားလုံး တိတ်ဆိတ်ခြောက်ကပ်။ မန္တလေးတောင်ကို ရိပ်ခနဲမြင်ပြီး ဖြူရော်ရော် ကွင်းပြင်ထဲ ရောက်ခဲ့ တယ်။ အောင်မြေသာစံမြို့နယ်က ထွက်တော့ မတ္တရာမြို့နယ်ထဲရောက်သွားတယ်။ လမ်းတွေက BOT (Built-Operate-Transfer)နဲ့ဆောက်ထားတာ။ ကားဆရာကလက်ထဲမှာ ပိုက်ဆံကို အသင့်ကိုင်ထားတယ်။ တစ်ဂိတ်ပေးပြီးတာနဲ့ နောက်ဂိတ်အတွက် တစ်ရွက်ရယ်ဒီပဲ။ တစ်လမ်းလုံးဘယ်လောက်ကုန်သလဲဆိုတော့ ငါးထောင်လောက်ရှိတယ်လို့ ဆိုတယ် ။ လမ်းမိုင် ၁၂၆လို့သိလိုက်ရတာက တစ်လမ်းလုံး မိုင်တိုင်တွေကို ရေတွက်ကြည့်ဖို့ ဖြစ်လာတယ်။ ဆည်တော်ကြီးရေသောက်ဧရိယာတွေတွေ့ရတယ်။ လက်ပရိုစီ ဆေးရုံတွေ့ရတယ်။ မတ္တရာပြီးတော့ စဥ့်ကူး။ စဥ့်ကူးဧရိယာက ကားလမ်းတလျှောက်တော်တော်ရှည်တယ်။ ပတ်ဝန်းကျင်မြင်ကွင်းကတော့ သိသိသာသာ မပြောင်းဘူး။ အပင်တချို့ ခြောက်တိခြောက်ချက်နဲ့ ဓာတ်ကင်ပြီးစ ကင်ဆာလူနာခေါင်းလို တောင်တွေရယ်၊ ဆေးရုံအိပ်ယာခင်းလို ဖြူဝါ၀ါ ကွင်းပြင်တွေရယ် ဒါပဲ။ လက်ပံလှမှာ ထမင်းစားဖို့ ကားရပ်ပေမယ့် မစားနိုင်သေးဘူး။ ဗန်းရွက်သည်တွေက ကောက်ညှဉ်းကျည်တောက် ရောင်းကြတယ်။ ကားဆရာတွေကို သေချာ ပြင်ဆင်ကျွေးတာ တွေ့ရတယ်။ ကျွန်တော်တို့အုပ်စုက ဘီယာလေး နှစ်ခွက်သုံးခွက်ပဲသောက်တော့ ကိုက်မှကိုက်ပါ့မလားပဲ။ ရေရှည်ရင်းနှီးမှုပေါ့လေ၊ ခရီးကတော့ သုံးချိုးတစ်ချိုး ကျော်ကျော်လောက် ပေါက်ခဲ့ပြီ။ နောက်ပိုင်းတော့ ငိုက်တစ်ဝက်ပဲ။ လမ်းကြေးဂိတ်တစ်ခုအလွန်မှာ အပေါ့ဆင်းသွားတယ်။ စစ်တပ် ချထားတဲ့ နေရာ တစ်ခုတွေ့တယ်။ (အနောက်ဘက်မှာ ရှားပါးသတ္တုတစ်မျိုးထွက်တဲ့ နေရာရှိတယ်လို့ နောက်မှ သိရတယ်) ။

နောက်တစ်ခါငိုက်လိုက်တာ မိုးကုတ်မိုတယ်ရှေ့ရောက်ကရောပဲ။ ကားဆရာက နှိုးပြီး ဒီမှာလားလို့မေးတယ်။ မဟုတ်ဘူး။ ရာပြည့်တည်းခိုခန်းကိုလို့ ပြောလိုက်တယ်။ မိုတယ်ကို ဘွတ်ကင်လုပ်သေးတယ်။ ကျောက်သဌေးမိသားစု မင်္ဂလာဆောင်ရှိလို့ မိုတယ်တစ်ခုလုံး ရက်ရှည်ငှားထားတယ်တဲ့။ အချိန်က ကိုးနာရီခွဲလောက်ရှိပြီ။ အိမ်ရှင်ဖြစ်တဲ့ ဆရာမဆီ ဖုန်းဆက်တယ်။ နောက်တော့ မေးစမ်းရင်း တည်းခိုခန်းနားက ကောင်းမွန်ဆိုတဲ့ ဆိုင်ရောက်သွားတယ်။ တံခါးတောင် တစ်ခြမ်းပိတ်ထားပြီ။ မှာလို့တော့ရသေးတယ်။ ၀က်သားလုံးမုန်ညင်းဖြူနဲ့ နံကင်ပြန်ချက် မှာလိုက်တယ်။ တော်တော်ကံကောင်းသွားတယ်။ ရမ်းသန်းပြီး ရောက်လာတဲ့ ဆိုင်က လက်ရာတော်တော်ကောင်းနေတယ်။ နက်ဖြန်လည်း ဒီမှာပဲစားရအောင်လို့တော် ပြောဖြစ်ကြတယ်။ တီဗွီမှာ အာဆင်နယ်နဲ့ ဘန်လေကန်နေတယ်။ နာဆရီဖန်ပေးတာ ဖာဘရီဂက်စ်တစ်ဂိုးသွင်းလိုက်တယ်။ ဘောပွဲပြီးအောင် မကြည့်နိုင် တော့ဘူး။ တည်းခိုခန်းပြန်ရောက်တာနဲ့ ကျိုးတာပဲ။

မနက်စာတော့ ရာပြည့်ရှေ့က လက်ဘက်ရည်ဆိုင်မှာပဲ။ ထပ်တစ်ရာနဲ့ တီးပေါ့။ အစီအစဉ်အရ အိပ်ခ်ျအိုင်ဗွီပိုးရှိတဲ့သူတွေ ကျောက်ပန်းချီ၊ ကျောက်ပုတီးလုပ်နေတာ သွားကြည့်ကြတယ်။ တော်တော်များများက ပိုးတွေ့ရုံမကပဲ ရောဂါစဖြစ်နေပြီ။ တချို့ဆို တီဘီဖြစ်၊ အဆုတ်ရေ၀င် ဆေးရုံတက်ပြီးသားတွေတောင်ပါတယ်။ အေအာရ်တီမရရင် အသက်ဆက်ဖို့ မလွယ်တော့တဲ့ အခြေအနေရောက်နေတဲ့သူများတယ်။ အမေတွေက အလုပ်ထဲကို ကလေးတွေ ခေါ်လာကြတယ်။ ဖခင်တွေမရှိတော့တဲ့ ကလေးတွေ များတယ်။ ကလေးတွေလည်း ပိုးတွေ့ထားတာများတယ်။ လီဆူးမလေးတစ်ယောက်ဆို စကားကလည်းသွက် မျက်လုံးလေးတွေကလည်း တောက်နေတာပဲ။ မွေးစကတည်းက ပိုးကလည်းတွေ့၊ ချူကလည်းခြူခြာလို့ တစ်နှစ်တောင်ခံပါ့မလားဆိုတာ ခုတော့ ငါးနှစ်ပြည့်တော့မယ်။ ပိုးမတွေ့သေးပေမယ့် စောင့်ကြည့်ရမယ့်အသက်(တစ်နှစ်-ခြောက်လသား)မရောက်သေးလို့ ကံကြမ္မာကို မှန်းဆမရနိုင်သေးတဲ့ ကလေး တစ်ယောက်လည်း တွေ့ခဲ့ရတယ်။ မိခင်ရောဖခင်ပါ ဆုံးသွားလို့ ခိုကိုးရာမဲ့ သက်ကြီးရွယ်အိုအဘွားနဲ့အတူနေပြီး တစ်အိမ်လုံးကို ပြန်ရှာ ကျွေးနေရတဲ့ ဆယ့်သုံးနှစ်သမီးလေးတစ်ယောက်ကို စကားနည်းနည်းပြောဖြစ်တယ်။ သမီးကျောင်းမနေဘူးလား မေးတော့ ကျောင်းနားထားတယ်လို့ ပြန်ဖြေတယ်။ သမီးဘာဖြစ်ချင်လည်း ဆိုတော့ မဖြေဘူး။ ဆရာမလားလို့ မေးကြည့်တော့ ခေါင်းညိတ်တယ်။ ဘေးက ညဉ်းပြောတော့ မော်ဒယ် ဖြစ်ချင်တာဆိုလို့ ၀ိုင်းထောက်ကြတယ်။ ဟုတ်လားဆိုတော့ ပြုံးပဲပြုံးနေတယ်။ ကျန်တော်လည်း အဖြေမရှိတဲ့ မေးခွန်းတွေသယ်ဆောင်ပြီး သူတို့ရဲ့ ကွန်းခိုရာလေးကနေ ပြန်ထွက်ခဲ့တယ်။