ရေခဲလူသား

ရေခဲလူသားတစ်ယောက်ကို ကျွန်မလက်ထပ်ခဲ့တယ်။ ကျွန်မသူ့ကို နှင်းလျှောစီးစခန်းတစ်ခုက ဟိုတယ်တစ်ခုမှာ စတွေ့ခဲ့တာ။ ဟုတ်တယ်လေ..အဲဒီနေရာက ရေခဲလူသားတစ်ယောက်နဲ့ ဆုံဖို့ကောင်းတဲ့ နေရာတစ်ခုပဲမဟုတ်လား။ ဟိုတယ်ဧည့်ခန်းမှာ လူတွေပြည့်ကျပ်နေပေမယ့် ရေခဲလူသားကတော့ မီးလင်းဖိုနဲ့ ဝေးတဲ့အခန်းထောင့်က ခုံမှာ တစ်ယောက်ထည်း ထိုင်ပြီး စာတစ်အုပ်ကို အသံတိတ်ဖတ်နေလေရဲ့။
မွန်းတည့်ချိန်နီးလာပေမယ့် အေးစိမ့်စိမ့်ဆောင်းမနက်ခင်းရဲ့ အငွေ့အသက်ဟာ သူ့နံဘေးမှာ ဝေ့သီနေသေးသလိုပဲ။
“ကြည့်စမ်း။ အဲဒါ ရေခဲလူသားပဲ”ကျွန်မသူငယ်ချင်းက ရေရွတ်လိုက်တယ်။
အဲဒီအချိန်တုံးကတော့ ရေခဲလူသားဆိုတာ ဘာမှန်းကို မသိခဲ့တာ။ ကျွန်မသူငယ်ချင်းလဲ ဒီလိုပါပဲ။ “သူ့တစ်ကိုယ်လုံးရေခဲတွေချည်းပဲ ဖြစ်လိမ့်မယ်။ ဒါကြောင့် ရေခဲလူသားလို့ ခေါ်တာနေမှာ”။ တစ္ဆေတစ်ကောင်ဒါမှမဟုတ် ကူးစက်ရောဂါတမျိုးမျိုးအကြောင်းပြောနေသလိုမျိုး သူမက အလေးအနက်ပုံမျိုးနဲ့ ကျွန်မကို ပြောတယ်။ ရေခဲလူသားက အရပ်ရှည်ရှည်။ အသက်ကတော့ ငယ်ပုံရတယ်။ သူ့ရဲ့ ၀ိုင်ယာကြိုးလို ခပ်တုတ်တုတ်ဆံပင်တွေထဲမှာ အရည်မပျော်သေးတဲ့နှင်းတွေနဲ့ တူတဲ့ အဖြူရောင်အကွက်တွေ တွေ့နေရတယ်။ သူ့ရဲ့ ပါးရိုးတွေက ငေါထွက်နေတယ်။ အေးခဲနေတဲ့ ကျောက်သားလိုပေါ့။ သူရဲ့လက်ချောင်းတွေမှာလည်း ဘယ်တော့မှ အရည်မပျော်မယ့်ပုံရှိတဲ့ ရေခဲတွေ သီးနေလေရဲ့။ အဲဒါတွေကလွဲလို့တော့ ရေခဲလူသားဟာ ရိုးရိုးလူသားလိုပါပဲ။ သူ့ကို ရုပ်ရည်ချောမောတယ်ရယ်လို့တော့ မပြောနိုင်ဘူး။ ဒါပေမယ့် ဆွဲဆောင်မှုရှိတယ်လို့တော့ ထင်ရတယ်။ သူ့ရဲ့ မျက်လုံးတွေကြောင့် ကျွန်မရင်ထဲမှာ စူးခနဲဖြစ်သွားတယ်။ သူ့ရဲ့အကြည့်က ဆောင်းမနက်ခင်းတွေမှာ ရေခဲနေတဲ့နေရာလေးတွေကို ဖြတ်လာတဲ့ အလင်းရောင်လို တိတ်ဆိတ်ပြီး ကြည်လင်နေတယ်။ အရုပ်ဆန်တဲ့ တစ်ကိုယ်လုံးမှာ အဲဒီနေရာတစ်ခုပဲ အသက်ဝင်နေလေရဲ့။
ကျွန်မအဲဒီနားမှာ ခဏရပ်နေပြီး ရေခဲလူသားကို ခပ်လှမ်းလှမ်းကနေ ကြည့်နေမိတယ်။ သူကတော့ ပြန်မကြည့်ပါဘူး။ သူ့နံဘေးမှာ ဘယ်သူမှရှိမနေသလိုပဲ သူ့စာအုပ်ကိုပဲ မလှုပ်မယှက် ဖတ်နေတယ်။
နောက်တစ်နေ့မနက်ကျတော့လည်း ရေခဲလူသားကို အဲဒီနေရာမှာပဲ တွေ့ရပြန်တယ်။ မနေ့က ပုံစံအတိုင်းပဲ သူ့စာအုပ်ကို သူဖတ်နေတယ်။ ကျွန်မ နေ့လယ်စာစားဖို့ စားသောက်ခန်းထဲသွားတဲ့အခါ၊ ညနေဘက် သူငယ်ချင်းတွေနဲ့ နှင်းလျှောစီးရာက ပြန်လာတဲ့အခါ အဲဒီနေရာမှာ သူရှိနေတုံးပဲ။ စာအုပ်ကလည်းမပြောင်းဘူး။ စာဖတ်နေတဲ့ပုံစံကလည်း ဒီအတိုင်းပဲ။ နောက်နေ့ကျတော့လည်း အဲဒီပုံစံပဲ။ နေ၀င်ခါနီးအချိန်ကနေ ညဥ့်နက်လာတဲ့အထိ ပြတင်းပေါက်အပြင်က ဆောင်းဥတု ရှုခင်းတွေလိုပဲ သူ့ခုံမှာ သူတိတ်တဆိတ်ထိုင်နေခဲ့တယ်။ …..
လေးရက်မြောက်နေ့လယ်ခင်းမှာ ကျွန်မ ရမယ်ရှာပြီး နှင်းလျှောစီး မလိုက်ဘဲနေခဲ့တယ်။ တစ္ဆေမြို့တစ်မြို့လို့ ခြောက်ကပ်နေတဲ့ ဟိုတယ်ဧည့်ခန်းထဲ ရစ်သီရစ်သီလုပ်နေခဲ့တယ်။ လေက နွေးထွေးစွတ်စိုလို့။ အခန်းက အနံ့အသက် သိပ်မကောင်းလှဘူး။ လူတွေရဲ့ဖိနပ်မှာ ကပ်ပါလာပြီး မီးလင်းဖိုရှေ့မှာ အရည်ပျော်ကျနေတဲ့ နှင်းရည်တွေရဲ့ အနံ့ဖြစ်မယ်။ ကျွန်မ ပြတင်းပေါက် အပြင်ဘက်ကို ကြည့်လိုက်တယ်။ သတင်းစာတစ်စောင်ကောက်ကိုင်ပြီး တစ်ရွက်နှစ်ရွက်လှန်ကြည့်တယ်။ နောက်တော့ ရေခဲလူသားဆီကို လျှောက်သွားလိုက်တယ်။ စိတ်ကိုထိန်းပြီး စကားစပြောလိုက်တယ်။
အကြောင်းတစုံတရာမရှိရင် သူစိမ်းတွေရှေ့မှာ ကျွန်မ ရှက်သလို ရွံ့သလိုဖြစ်တတ်တယ်။ ကျွန်မနဲ့ မသိတဲ့ လူတွေကိုစကားပြောတဲ့ အလေ့အထလည်း မရှိခဲ့ဘူး။ ဒါပေမယ့် ရေခဲလူသားနဲ့တော့ ဘာဖြစ်ဖြစ် စကားပြောကြည့်မယ်လို့ စိတ်ထဲမှာ ဖြစ်လာတယ်။ အဲဒီညက ဟိုတယ်မှာ ကျွန်မအဖို့ နောက်ဆုံးညပဲ။ ဒီတခါ မပြောဖြစ်ရင် ရေခဲလူသားနဲ့ ဘယ်တော့မှ စကားပြောခွင့်ရတော့မှာ မဟုတ်ဘူး။ “ရှင် နှင်းလျှောမစီးဘူးလား” ခရီးသွားဟန်လွှဲမေးတဲ့ဟန်မျိုး တတ်နိုင်သမျှ ဖမ်းထားပြီး ကျွန်မမေးလိုက်တယ်။
ခပ်လှမ်းလှမ်းမှာ ဆူဆူညံညံအသံကြားလိုက်မိသလိုပုံစံမျိုးနဲ့ သူက သူ့မျက်နှာကို ကျွန်မဘက် ဖြည်းဖြည်းချင်းလှည့်လာတယ်။ အဲဒီမျက်လုံးတွေနဲ့ ကျွန်မကို စိုက်ကြည့်တယ်။ ပြီးတော့ ခေါင်းကို အေးအေးဆေးဆေးယမ်းပြတယ်။ “ကိုယ် နှင်းလျှောမစီးတတ်ဘူး”သူကပြောလိုက်တယ်။ “ဒီမှာထိုင်ပြီး စာဖတ်၊ ပြီးတော့ နှင်းတွေကို ကြည့်နေရတာကိုပဲ ကိုယ်သဘောကျတယ်”။ သူပြောလိုက်တဲ့စကားလုံးတွေဟာ သူ့အပေါ်နားမှာ အဖြူရောင်တိပ်ဆုပ်တွေလိုမျိုး ပေါ်လာတယ်။ ကာတွန်းစာအုပ်တွေမှာ ပြောတဲ့စကားကို ပုံစာထိုးပြသလိုမျိုးပေါ့။ လေထဲက စကားလုံးတွေကို ကျွန်မတကယ်ကို မြင်နေရတယ်။ သူက ရေခဲနေတဲ့သူ့ရဲ့လက်ချောင်းနဲ့ အဲဒါတွေကို ဝှေ့ယမ်းပစ်လိုက်တယ်။ ကျွန်မ ဘာဆက်ပြောရမှန်းမသိဖြစ်နေတယ်။ ရုတ်တရက် ရှက်သလိုကြောက်သလိုဖြစ်လာပြီး အဲဒီမှာ ဒီအတိုင်း ရပ်နေမိတယ်။ ရေခဲလူသားက ကျွန်မမျက်လုံးထဲကို ကြည့်ရင်း ပြုံးလိုက်တယ်ထင်တယ်။
“ထိုင်ပါဦးလား”သူကဆက်ပြီးမေးတယ်။ “မင်း ကိုယ့်ကို စိတ်ဝင်စားနေတယ်မဟုတ်လား။ ရေခဲလူသားဆိုတာ ဘယ်လိုပါလိမ့်လို့ သိချင်နေတယ်မဟုတ်လား” ပြောရင်း ရယ်လိုက်တယ်။ “မကြောက်ပါနဲ့။ ကိုယ်နဲ့ စကားပြောရုံနဲ့တော့ မင်းအအေးမမိနိုင်ပါဘူး”
ကျွန်မတို့ ဧည့်ခန်းထောင့်က ဆိုဖာမှာ ဘေးချင်းကပ်ရက်ထိုင်ရင်း ပြတင်းပေါက်အပြင်ဘက်မှာ နှင်းပွင့်တွေအချပ်လိုက်အချပ်လိုက် မျောလွင့်နေတာကို ကြည့်နေမိကြတယ်။ ကျွန်မ ကိုကိုး အပူတစ်ခွက်မှာပြီး သောက်လိုက်တယ်။ ရေခဲလူသားကတော့ ဘာမှမသောက်ဘူး။ သူက စကားပြောရဆိုရမယ့်နေရာမှာ ကျွန်မထက်တော့ သာပုံမရဘူး။ နောက်ပြီး ကျွန်မတို့အကြားမှာ နှစ်ယောက်စလုံးအတွက် အဆင်ပြေမယ့် ပြောစရာဆိုစရာတစ်ခုခုလည်း ရှိမနေခဲ့ဘူးလေ။ စစချင်းတော့ ကျွန်မတို့ ရာသီဥတုအကြောင်းပြောကြတယ်။ နောက်တော့ ဟိုတယ်အကြောင်းရောက်သွားတယ်။ “ရှင်ဒီမှာ တစ်ယောက်တည်းလား” ကျွန်မက ရေခဲလူသားကို မေးလိုက်တယ်။ “အင်း”သူက ပြန်ဖြေတယ်။ သူက နှင်းလျှောစီးရတာကို ကြိုက်သလားလို့ ကျွန်မကို ပြန်မေးတယ်။ “သိပ်အကြိုက်ကြီးတော့မဟုတ်ဘူး”လို့ ကျွန်မက ပြောလိုက်တယ်။“သူငယ်ချင်းတွေကြောင့် ကျွန်မဒီကို လာဖြစ်တာ။ ကျွန်မဖာသာကျွန်မတော့ စီးခဲပါတယ်“
ကျွန်မသိချင်တာတော့ အများကြီးပဲ။ သူ့တကိုယ်လုံးကို တကယ်ပဲ ရေခဲနဲ့လုပ်ထားသလား။ သူဘာတွေစားသလဲ။ နွေရာသီဆို သူဘယ်မှာနေသလဲ။ သူ့မှာ မိသားစုရှိသလား။ အဲဒါမျိုးတွေပေါ့။ …… ဒါပေမယ့် ရေခဲလူသားက သူ့အကြောင်းသူ ဘာမှမပြောဘူး။ ကျွန်မကလည်း သူ့ကိုယ်ရေးကိုယ်တာတွေ မမေးမိအောင် သတိထားလိုက်တယ်။
ကျွန်မအကြောင်းကို ရေခဲလူသားက စပြောလာတယ်။ ယုံဖို့ခက်ပေမယ့် ကျွန်မအကြောင်းတွေကို သူတနည်းနည်းနဲ့ သိနေသလိုပဲ။ ကျွန်မမိသားစုဝင်တွေကို သူသိတယ်။ ကျွန်မအသက်၊ ကျွန်မဘာတွေကြိုက်တတ်တယ်၊ ဘာတွေကိုတော့ဖြင့် မကြိုက်ဘူး၊ ကျွန်မရဲ့ ကျန်းမာရေးအခြေအနေ၊ ပြီးတော့ ကျွန်မဘယ်သူတွေနဲ့ ပေါင်းနေတယ်ဆိုတာရော။ ဖြစ်ပျက်ခဲ့တာ ကြာလွန်းလို့ ကျွန်မကိုယ်တိုင် မေ့လျော့နေတဲ့ တစ်ချို့အချက်တွေကိုတောင် သူက သိနေလေရဲ့။
“ကျွန်မတော့ လိုက်မမီနိုင်တော့ဘူး” ကျွန်မက စိတ်ရှုပ်ရှုပ်နဲ့ ပြောလိုက်တယ်။ ကိုယ့်အကြောင်းတွေ အကုန်သိနေတဲ့ သူစိမ်းတစ်ယောက်ရှေ့မှာ ကျွန်မမနေတတ်မထိုင်တတ်ဖြစ်နေရတယ်။ “ကျွန်မအကြောင်းတွေ ရှင်က ဘာဖြစ်လို့ ဒီလောက်တောင်သိနေရတာလဲ။ ရှင်က သူများစိတ်တွေကို သိနေတာလား။”
“မဟုတ်ပါဘူး။ ကိုယ်သူများစိတ်တွေကို မသိပါဘူး။”ရေခဲလူသားက ပြောတယ်။“အလိုလိုနေရင်းနဲ့သိတာ။ ရေခဲထဲကို စိုက်ကြည့်ရသလိုပဲ။ မင်းကို ကိုယ်စိုက်ကြည့်လိုက်တာနဲ့ မင်းအကြောင်းတွေကို မြင်တွေ့နေရတော့တာပဲ”
ကျွန်မက သူ့ကို မေးလိုက်တယ်။ “ရှင်ကျွန်မရဲ့ အနာဂတ်ကိုကော မြင်ရလား”
“အနာဂတ်ကိုတော့ ကိုယ်မမြင်ရဘူး။” သူက ဖြည်းဖြည်းချင်း ပြန်ပြောတယ်။ “ကိုယ် အနာဂတ်ကို စိတ်လည်းမ၀င်စားဘူး။ တိတိကျကျဖြစ်အောင် ပြောရရင် အနာဂတ်ဆိုတာဘာလဲဆိုတာကို ကိုယ်သဘောမပေါက်နိုင်ဘူး။ ဘာဖြစ်လို့လဲဆိုတော့ ရေခဲတွေမှာ အနာဂတ်ဆိုတာ မရှိလို့ပဲ။ သူ့မှာ သိုမှီးသိမ်းဆည်းထားတဲ့ အတိတ်ပဲရှိတယ်။ ရေခဲဟာ အရာအားလုံးကို ဒီနည်းအတိုင်းပဲ ကြည့်နိုင်တယ်။ သူတို့ရဲ့ ရှင်သန်မှုလိုပဲပေါ့။ ရှင်းရှင်းလင်းလင်းပြတ်ပြတ်သားသားပဲ။ ဒါပဲ။ ဒါဟာ ရေခဲရဲ့ အနှစ်သာရလို့ပဲ ပြောရမယ်”
“ကောင်းပါတယ်” ကျွန်မက ပြောပြီး ပြုံးလိုက်တယ်။ “အဲလိုပဲ ကောင်းပါတယ်။ ကျွန်မလည်း တကယ်တော့ ကျွန်မရဲ့ အနာဂတ်ကဖြင့် ဘယ်လိုဆိုတာ မသိချင်ပါဘူး”
မြို့ဆီ ပြန်ရောက်လာတော့လည်း ကျွန်မတို့ မကြာခဏတွေ့ဖြစ်ကြတယ်။ တဖြေးဖြေးနဲ့ ကျွန်မတို့ ချိန်းတွေ့ ဖြစ်ကြတယ်။ ကျွန်မတို့ နှစ်ယောက် ရုပ်ရှင်ရုံလည်းမသွား ကော်ဖီဆိုင်တွေလည်း မထိုင်ဖြစ်ဘူး။ စားသောက်ဆိုင်တွေဘက်တောင် မလှည့်ဖြစ်ကြဘူး။ ရေခဲလူသားက ပြောရလောက်အောင် ဘာမှ မစားမသောက်ဘူး။ ကျွန်မတို့တွေ ပန်းခြံထဲက ခုံတန်းတွေမှာ ထိုင်ကြတယ်။ ဟိုအကြောင်းဒီအကြောင်း ပြောကြတယ်။ ရေခဲလူသား ကိုယ်တိုင်ရဲ့ အကြောင်းကလွဲလို့ပေါ့။
“ဘာဖြစ်လို့လဲ” တခါတော့ ကျွန်မက မေးလိုက်တယ်။ “ရှင့်အကြောင်း ရှင်ဘာကြောင့် မပြောတာလဲ။ ကျွန်မရှင့်အကြောင်း ခုထက် ပိုသိချင်တယ်။ ရှင့်ကို ဘယ်မှာမွေးခဲ့သလဲ။ ရှင်မိဘတွေက ဘယ်လိုပုံစံမျိုးလဲ။ ဘာကြောင့် ရှင်ရေခဲလူသားဖြစ်လာရတာလဲ”……..
ရေခဲလူသားက ကျွန်မကို ခဏလောက် စိုက်ကြည့်နေတယ်။ နောက်တော့ သူ့ခေါင်းကို ယမ်းလိုက်တယ်။ “ကိုယ်မသိဘူး” အသာအယာပြောပေမယ့် သူ့လေသံက ပြတ်သားတယ်။ လေထဲကို တိမ်ဖြူဖြူလေးတွေ တက်လာတယ်။ “တခြားအရာတွေအားလုံးရဲ့ အတိတ်ကို ကိုယ်သိတယ်။ ကိုယ့်ကိုယ်တိုင်မှာတော့ အတိတ်မရှိဘူး။ ကိုယ့်ကိုဘယ်မှာ မွေးသလဲ ကိုယ်မသိဘူး။ ကိုယ့်မိဘတွေဟာ ဘယ်လုံပုံမျိုးလဲဆိုတာလည်း ကိုယ်မသိဘူ။ ကိုယ့်မှာ မိဘတွေရှိသလားဆိုတာကိုတောင် ကိုယ်မသိဘူး။ ကိုယ့်ကိုယ်ကို အသက်ဘယ်လောက်ရှိပီလဲဆိုတာတောင် ကိုယ်မသိဘူး”
ရေခဲလူသားဟာ အမှောင်ထုအောက်က ရေခဲစိုင်ကြီးလိုပဲ အထီးကျန်ဖြစ်နေခဲ့ရရှာတာပါလား။
ကျွန်မ ဒီရေခဲလူသားကို လေးလေးနက်နက် ချစ်မိသွားတယ်။ ရေခဲလူသားကလည်း ကျွန်မကို သူ့ရဲ့အရှိအတိုင်း ကျွန်မကို ချစ်ရှာတယ်။ ပစ္စုပ္ပန်က ကျွန်မရယ်ပေါ့။ အနာဂတ်မှာတော့ ဘယ်လိုရှိမယ်ဆိုတာ မသိနိုင်ဘူး။ ကျွန်မကလည်း ရေခဲလူသားကို သူ့ရဲ့ အရှိအတိုင်း ပြန်ချစ်ခဲ့တယ်။ ပစ္စုပ္ပန်မှာရှိတဲ့သူ့ကိုပေါ့။ သူ့ရဲ့အတိတ်ကို မလိုပါဘူး။ ကျွန်မတို့ လက်ထပ်ဖို့ ဆွေးနွေးဖြစ်ခဲ့ကြတယ်။ ကျွန်မအသက်နှစ်ဆယ်ပြည့်တဲ့အထိ ရေခဲလူသားက ပထမဆုံးချစ်မိတဲ့ ယောက်ျားပဲ။ သာမန်ယောက်ျားတစ်ယောက်ကို ချစ်မိရင်တောင် အချစ်ကို ဒီလောက်ရှင်းရှင်းလင်းလင်း မြင်နိုင်ပါ့မလားလို့တောင် ကျွန်မ သံသယဖြစ်မိပါရဲ့။
ကျွန်မ ရေခဲလူသားနဲ့ လက်ထပ်တော့မယ်ဆိုတော့ ကျွန်မအမေနဲ့ အမက အပြင်းအထန်ကန့်ကွက်ကြတယ်။ “နင် လက်ထပ်ဖို့ ငယ်ပါသေးတယ်” သူတို့က ပြောကြတယ်။ “နောက်ပြီး နင်သူ့အကြောင်းလည်း ဘာမှ သိတာမဟုတ်ဘူး။ သူဘယ်မှာမွေးတယ်၊ ဘယ်တုံးက မွေးတယ်ဆိုတာတောင် သိတာမဟုတ်ဘူး။ နင်ဒီလိုလူမျိုးကို လက်ထပ်လိုက်ရင် အမျိုးတွေကို ငါတို့ဘယ်လိုပြောရပါ့မလဲ။ နောက်ပြီး သူက ရေခဲလူသားနော်၊ မတော်လို့ သူအရည်ပျော်သွားခဲ့ရင် နင်ဘယ်လိုလုပ်မယ် စိတ်ကူးထားလဲ။ လက်ထပ်တယ်ဆိုတာ ဘ၀တစ်ခုလုံးနဲ့ ရင်းပြီးလုပ်ရတာမျိုးဆိုတာ နင်သဘောပေါက်ပုံမရပါဘူး”
ကျွန်မကတော့ သူတို့ရဲ့ ပူပန်မှုကို အလေးမထားခဲ့ဘူး။ နောက်ပြီး ရေခဲလူသားက သူတို့ပြောသလို ရေခဲနဲ့ တကယ်လုပ်ထားတာ မဟုတ်ဘူး။ ဘယ်လောက်ပူပူ အရည်ပျော်သွားဖို့ မရှိဘူးလေ။ သူ့ကို ရေခဲလူသားလို့ ခေါ်တာက သူ့ကိုယ်က ရေခဲလို အေးနေလို့။ ဒါက ရေခဲနဲ့ လုပ်တယ်ဆိုတာနဲ့တော့ ကွဲပြားတယ်မဟုတ်လား။
အဲလိုနဲ့ ကျွန်မတို့ လက်ထပ်ဖြစ်ကြတယ်။ လက်ထပ်ပွဲကို ဘယ်သူမှ မလာဘူး။ သူငယ်ချင်းတွေ၊ ဆွေမျိုးတွေ ဘယ်သူကမှ ကျွန်မတို့အတွက် ပျော်ရွှင်ပေးကြပုံမရဘူး။ ကျွန်မတို့ကလည်း အခမ်းအနားမလုပ်တော့ဘူး။ ကျွန်မနာမည်ကို သူ့အိမ်ထောင်စုစာရင်းထဲ ထည့်မယ်လုပ်တော့ သူ့မှာ အိမ်ထောင်စုစာရင်းလည်း မရှိဘူး။ ကျွန်မတို့ နှစ်ယောက် လက်ထပ်ပြီးပြီဆိုတာ ကျွန်မတို့ဖာသာပဲ အတည်ပြုလိုက်တော့တယ်။ ကိတ်မုန့်တစ်လုံးဝယ်ပြီး ကျွန်မတို့ နှစ်ယောက် တူတူစားလိုက်တယ်။ ဒါကျွန်မတို့ရဲ့ အာဝါဟ၀ိဝါဟ မင်္ဂလာပဲ။
အခန်းသေးသေးလေးတစ်ခန်း ကျွန်မတို့ ငှားလိုက်တယ်။ ရေခဲလူသားက အသားရေခဲရိုက်တဲ့စက်ရုံတစ်ရုံမှာ အလုပ်လုပ်တယ်။ ဘယ်လောက်အေးအေး သူက ခံနိုင်ရည်ရှိတယ်။ အလုပ်ဘယ်လောက်လုပ်လုပ် မောတယ်ရယ်လို့လည်း မရှိဘူး။ ဒါကြောင့် သူ့အလုပ်ရှင်ကတော့ သူ့ကို သိပ်သဘောကျတာပဲ။ လစာလည်း တခြားလူတွေထက် ပိုပေးထားတယ်။ ကျွန်မတို့နှစ်ယောက် ပျော်ပျော်ရွှင်ရွှင် နေခဲ့ကြရတယ်။ ဘယ်သူ့ကိုမှလည်း မနှောက်ယှက်ဘဲ ဘယ်သူ နှောက်ယှက်တာမှလည် မခံပဲနဲ့ပေါ့။……
ကျွန်မနဲ့ ရေခဲလူသားတို့ ချစ်သူတို့သဘာဝ ပြုမူကြတဲ့အခါ ကျွန်မရဲ့ စိတ်ထဲမှာ ရေခဲတုံးအပိုင်းအစတစ်ခုကို တွေ့လာတယ်။ ကျွန်မရဲ့အထီးကျန်မှုထဲမှာ ဖြစ်တည်နေခဲ့တဲ့ ရေခဲတုံးပေါ့။ အဲဒီရေခဲတုံးရှိတယ်ဆိုတာ ရေခဲလူသားကလည်း သိနေပုံပဲ။ အဲဒီရေခဲတုံးဟာ အေးခဲမာကျောနေတာမှ တခြားဘယ်အရာကမှ သူ့လောက် မမာနိုင်ဘူးလို့ ထင်ရရဲ့။ပြီးတော့ ကမ္ဘာမှာအကြီးဆုံးရေခဲတုံးလည်း ဖြစ်တယ်။ ပထမတော့ ရေခဲလူသားနဲ့ ကျွန်မနေကြတဲ့အခါ ကျွန်မအနေနဲ့ စိတ်ရှုပ်ထွေးသလိုမျိုး ခံစားရတယ်။ ဒါပေမယ့် မကြာခင် ကျွန်မကျင့်သားရလာခဲ့တယ်။ ကျွန်မအဲဒါကို သဘောတောင်ကျလာခဲ့တယ်။ ညဘက်ဆို ကမ္ဘာလောကကြီးရဲ့ အတိတ်နှစ်သန်းပေါင်းများစွာ သိုမှီးထားတဲ့ ရေခဲအပိုင်းအစကို နှစ်ယောက်အတူ တိတ်တဆိတ် မျှဝေရင်းပေါ့။
ကျွန်မတို့ရဲ့ အိမ်ထောင်သည်ဘ၀အကြောင်းပြောရရင် ပြသနာရယ်လို့လည်း မရှိလှပါဘူး။ ကျွန်မတို့ တစ်ယောက်ကို တစ်ယောက် နှစ်နှစ်ကာကာချစ်ကြတယ်။ ကျွန်မတို့နှစ်ယောက်ကြားမှာ တခြားဘာမှလည်း ရှိမနေခဲ့ဘူးလေ။ ကျွန်မတို့ကလေးလိုချင်ပေမယ့် အဲဒါကတော့ ဖြစ်နိုင်ပုံမရဘူး။ သာမန်လူသားမျိုးစေ့နှင့် ရေခဲလူသားမျိုးစေ့က အလွယ်တကူ ပေါင်းစပ်ကြမယ့်ပုံမပေါ်ဘူး။ ကလေးမရှိတော့လည်း ကျွန်မမှာ အချိန်တွေပိုနေတော့တာပဲပေါ့။ မနက်ဘက်အိမ်အလုပ်တွေလုပ် ပြီးရင် လုပ်စရာရယ်လို့ ဘာမှမယ်မယ်ရရမရှိတော့ဘူး။ ကျွန်မမှာ လည်စရာပတ်စရာ စကားပြောစရာ သူငယ်ချင်းလည်းမရှိ၊ အိမ်နီးချင်းတွေနဲ့လည်း ဘာမှပြောစရာဆိုစရာမရှိ။ အမေနဲ့ အမကည်း ရေခဲလူသားကို ယူခဲ့တဲ့ကျွန်မကို အခုထိ စိတ်ဆိုးနေကြတုံး။ ကျွန်မကို ပြန်လက်ခံမယ့် အရိပ်အယောင် မမြင်ရဘူး။ လတွေ ကုန်လွန်သွားတယ်။ ကျွန်မတို့ပတ်ဝန်းကျင်ကလူတွေကတော့ ရေခဲလူသားကိုဖြစ်ဖြစ် ရေခဲလူသားနဲ့ လက်ထပ်ထားတဲ့ ကျွန်မကိုဖြစ်ဖြစ် လက်မခံနိုင်ဘူးရယ်လို့ တသမတ်တည်း ပြောနေလေရဲ့။ ကျွန်မတို့ဟာ သူတို့နဲ့ ခြားနားတယ်။ အချိန်တွေ ဘယ်လောက်ကြာကြာ ကျွန်မတို့ကြားက ကွာဟမှုဟာ ကျဉ်းမြောင်းလာစရာမရှိဘူးဆိုပဲ။
ရေခဲလူသားအလုပ်လုပ်တဲ့အချိန် ကျွန်မကတော့ အိမ်မှာ စာအုပ်ဖတ်လိုက် သီချင်းနားထောင်လိုက် လုပ်နေရတယ်။ အိမ်မှာ နေရာတာ ကြိုက်ပါတယ်။ တစ်ယောက်တည်းမို့ ပျင်းနေတယ်ဆိုတာမျိုးလည်း မရှိပါဘူး။ ဒါပေမယ့် ကျွန်မ အသက်ကငယ်သေးတယ်လေ။ တစ်နေ့တစ်နေ့ ဒီပုံစံချည်းပဲဆိုတော့ ညဉ်းငွေ့လာတာပေါ့။ ညဉ်းငွေ့တာက အကြောင်းမဟုတ်ပေမယ် ထပ်တလဲလဲလုပ်ကိုင်နေရတာကိုတော့ စိတ်ကုန်လာတယ်ဆိုပါတော့။
ဒါနဲ့ တစ်နေ့တော့ ကျွန်မယောက်ျားကို ပြောလိုက်တယ်။ “ကျွန်မတို့ ခရီးထွက်ရအောင်။ အပြောင်းအလဲလေးဖြစ်သွားအောင်ပေါ့”
“ခရီးဟုတ်လား” ရေခဲလူသားကပြောတယ်။ “ကိုယ်တို့က ဘာဖြစ်လို့ ခရီးသွားရမှာလဲ။ မင်းလည်း ဒီမှာကိုယ်နဲ့နေရတာ ပျော်နေတာပဲ မဟုတ်လား”
“အဲဒီလိုတော့မဟုတ်ဘူး” ကျွန်မက ပြောလိုက်တယ်။ “ကျွန်မပျော်ပါတယ်။. ဒါပေမယ့် နည်းနည်း ငြီးသလို ဖြစ်နေတယ်။ အဝေးကြီးကို သွားချင်နေတယ်။ ကျွန်မဘယ်တုံးကမှ မမြင်ခဲ့ဘူးတာတွေကို မြင်ကြည့်ချင်နေမိတယ်။ ရှုတဲ့လေက အစအသစ်ဖြစ်မယ့်နေရာမျိုးပေါ့။ ရှင်နားလည်ပါ့မလားတော့ မသိဘူး။ နောက်ပြီး ကျွန်မတို့ ဟန်နီးမွန်းလည်း မထွက်ရသေးဘူးလေ။ ကျွန်မတို့မှာ စုထားတာရှိတာပဲ။ ရှင့်မှာလည်း ခွင့်ရက်တွေရှိနေတယ်။ လုပ်ပါ။ ဒါ ကျွန်မတို့ တစ်နေရာသွားပြီး အပန်းဖြေဖို့ကောင်းတဲ့အချိန်ပဲ”
ရေခဲလူသားက အေးစက်စက် သက်ပြင်းတစ်ခုချလိုက်တယ်။ အဲဒါဟာ ချွင်ခနဲမြည်ပြီး လေထဲမှာပဲ အေးခဲသွားတော့တယ်။ သူက လက်ချောင်းတွေကို ဒူးပေါ်မှာ ယှက်ထားလိုက်တယ်။ “အေးလေ၊ မင်းအရမ်းသွားချင်နေတယ်ဆိုရင်လည်း ကိုယ်မကန့်ကွက်တော့ပါဘူး။ မင်းပျော်မယ်ဆိုရင် ဘယ်ကိုဖြစ်ဖြစ် သွားပါ့မယ်ကွာ။ ဒါနဲ့ မင်းက ဘယ်နေရာကို သွားချင်တာလဲ”
“တောင်ဝန်ရိုးစွန်းကို သွားရင် ဘယ်လိုနေမလဲ” ကျွန်မက ပြောလိုက်တယ်။ ရေခဲလူသားအနေနဲ့ အေးတဲ့နေရာဆို စိတ်ဝင်စားမှာပဲလို့တွက် ပြီး တောင်ဝန်ရိုးစွန်းကို သွားဖို့ ပြောလိုက်တာ။ ရိုးရိုးသားသားပြောရရင် ကျွန်မလည်း အဲဒီနေရာကို သွားချင်ပါတယ်။ သားမွေးကုတ်ကြီးတွေလည်း ၀တ်ကြည့်ချင်တယ်။ ပြီးတော့ ပင်ဂွင်းတွေရယ်၊ အလင်းမျှင်တွေရောပေါ့ ကျွန်မတွေ့ဖူးချင်တယ်။……
ကျွန်မအဲသလိုပြောလိုက်တော့ ကျွန်မယောက်ျားက ကျွန်မမျက်လုံးထဲကို မျက်တောင်တောင်မခတ်ပဲ စိုက်ကြည့်နေလေရဲ့။ သူ့အကြည့်ကြောင့်ကျွန်မခေါင်းထဲကို ရေခဲအချွန်တစ်ခုနဲ့ ထိုးလိုက်သလိုတောင် ခံစားရတယ်။ ခဏတော့ သူတိတ်ဆိတ်နေတယ်။ နောက်ဆုံးတော့ စိတ်လှုပ်ရှားနေပုံရတဲ့အသံနဲ့ ပြောလိုက်တယ်။ “ကောင်းပြီလေ။ မင်းသွားချင်တယ်ဆိုလည်း ကိုယ်တို့တောင်ဝန်ရိုးစွန်းကို သွားကြတာပေါ့။ မင်းအဲဒီကို သွားချင်တာတော့ သေချာတယ်နော်”
ကျွန်မ ချက်ချင်း ပြန်မဖြေနိုင်ဘူး။ ရေခဲလူသားက စိုက်ကြည့်ထားတာ ကြာတော့ ကျွန်မခေါင်းက ထုံသလိုဖြစ်နေတယ်။ နောက်တော့ ကျွန်မခေါင်းညိတ်ပြလိုက်တယ်။
အချိန်တွေကုန်လွန်သွားတယ်။ တဖြည်းဖြည်းနဲ့ တောင်ဝန်ရိုးစွန်းသွားဖို့ စိတ်ကူးရတာကို ကျွန်မနောင်တရလာတယ်။ ဘာကြောင့်မှန်းတော့ မသိဘူး။ ဒါပေမယ့် ကျွန်မက “တောင်ဝန်ရိုးစွန်း”ဆိုတဲ့ စကားကို ပြောလိုက်ကတည်းက ကျွန်မယောက်ျားဟာ ပြောင်းလဲသွားသလိုပဲ။ သူ့မျက်လုံးတွေဟာ ပိုပြီး တောက်ပလာတယ်။ သူ အသက်ရှုထုတ်တဲ့လေကလည်း ပိုပြီး ဖြူဖွေးလာသလိုပဲ။ လက်ချောင်းတွေမှာလည်း ရေတွေပိုခဲလာတယ်။ ကျွန်မကိုလည်း စကားမပြောသလောက်ကို ဖြစ်လာတယ်။ ဘာမှလည်း မစားမသောက်တော့ဘူး။ သူဖြစ်ပျက်နေတာတွေကြောင့် ကျွန်မမှာ အတော့်ကို တုန်လှုပ်ခြောက်ခြားရတယ်။
ကျွန်မတို့ မသွားခင် ငါးရက်အလိုမှာ ကျွန်မလည်း စိတ်ထိန်းပြီး ပြောလိုက်တယ်။ “တောင်ဝန်ရိုးစွန်းသွားဖို့ ကိစ္စကို မေ့လိုက်ရအောင်။ အခုကျွန်မပြန်စဉ်းစားကြည့်တော့ အဲဒီမှာ သိပ်အေးမှာပဲဆိုတာ တွေးမိတယ်။ အဲဒါ ကျွန်မတို့ ကျန်းမာရေးအတွက် ကောင်းမှာမဟုတ်ဘူး။ တခြားသာမန်နေရာတစ်ခုကို သွားတာက ပိုကောင်းလိမ့်မယ်ထင်တယ်။ ဥရောပဘက်ဆိုရင်ကော ဘယ်လိုလဲ။ စပိန်..ဟုတ်တယ် စပိန်ကို သွားကြမလား။ ကျွန်မတို့ ၀ိုင်သောက်ကြမယ်။ စပိန်ထမင်းပေါင်းစားကြမယ်။ နောက်ပြီး ကျွဲရိုင်းသတ်တာကြည့်ကြမယ်လေ”
ဒါပေမယ့် ကျွန်မယောက်ျားကတော့ ကျွန်မပြောတာကို ကြားပုံတောင်မရဘူး။ အပြင်ဘက်ကို မိနစ်အတော်ကြာ ငေးကြည့်နေတယ်။ “ဟင့်အင်း၊ ကိုယ်တော့ စပိန်ကို မသွားချင်ဘူး။ စပိန်က ကိုယ့်အတွက် သိပ်ပူလိမ့်မယ်။ ဖုန်လည်းထူတယ်။ အစားအစာတွေကလည်း စပ်တယ်။ တောင်ဝန်ရိုးစွန်းသွားဖို့ ကိုယ်လက်မှတ်တောင် ၀ယ်ထားပြီးပြီ။ သားမွေးကုတ်တွေ၊ သားရေဖိနပ်တွေလည်း မှာထားပြီးပြီ။ အဲဒါတွေတော့ အလဟသ အဖြစ်မခံနိုင်ဘူး။ အိုကွာ..ဒီအချိန်ရောက်မှတော့ မသွားလို့ကို မဖြစ်တော့ဘူး”
အမှန်တကယ်တော့ ကျွန်မကြောက်နေမိပြီ။ တောင်ဝန်ရိုးစွန်းကိုသွားမိရင် ပြန်ပြင်လို့မရနိုင်တာတစ်ခုခုကို လုပ်မိသလိုဖြစ်လိမ့်မယ်လို့ ကျွန်မစိတ်ထဲမှာ ထင်နေပြီ။ အိပ်မက်ဆိုးတွေလည်း မက်ပြီးရင်းမက်နေတော့တာပဲ။ အိပ်မက်တွေက တစ်ခုနဲ့ တစ်ခု အတူတူပဲ။ ကျွန်မအပြင်ကို လမ်းလျှောက်ထွက်ရင်း ချောက်ထဲပြုတ်ကျသွားတယ်။ ဘယ်သူမှ ကျွန်မကို မတွေ့ကြဘူး။ အောက်ခြေမှာ ကျွန်မသွေးခဲမတတ်ဖြစ်နေတယ်။ ကောင်းကင်ကို မော့ကြည့်တဲ့အခါ ကြားမှာ ရေခဲတစ်လွှာက ပိတ်ဆီးထားသလိုပဲ။ ကျွန်မသတိရနေပေမယ့် တကိုယ်လုံးလှုပ်ရှားလို့မရဘူးဖြစ်နေတယ်။ ကျွန်မဟာ တဖြည်းဖြည်းနဲ့ အတိတ်ဖြစ်လာတယ်။ လူတွေ ကျွန်မကို ကြည့်တဲ့အခါ အတိတ်ကို ကြည့်နေကြတာ။ ကျွန်မဟာ သူတို့ဆီကနေ နောက်ကိုပြန်သွားနေတဲ့ မြင်ကွင်းတစ်ခုပဲ။ နောက်တော့ ကျွန်မနိုးလာတယ်။ ရေခဲလူသားကတော့ ကျွန်မနံဘေးမှာ အိပ်မောကျနေလေရဲ့။ သူအိပ်တဲ့အခါ အသက်လည်းမရှုဘူး။ လူသေလိုပဲဖြစ်နေတယ်။
ဒါပေမယ့် ကျွန်မ ရေခဲလူသားကို ချစ်တယ်။ ကျွန်မငိုတဲ့အခါငိုမိတယ်။ ကျွန်မမျက်ရည်တွေ သူ့ပါးပေါ်ကျတဲ့အခါ သူနိုးလာပြီး ကျွန်မကို ဖက်ထားတယ်။ “ကျွန်မအိပ်မက်ဆိုးတစ်ခုမက်တယ်”လို့ ကျွန်မပြောလိုက်တယ်။
“အဲဒါက အိပ်မက်ပါကွာ” သူကပြောတယ်။ “အိပ်မက်တွေဟာ အတိတ်ကလာတာ။ သူတို့ဟာ အနာဂတ်မဟုတ်ဘူး။ သူတို့က မင်းကို တုပ်နှောင်လို့မရပါဘူး။ မင်းကသာ သူတို့ကို တုပ်နှောင်ထားတာ။ မင်းသဘောပေါက်မလားတော့ မသိဘူး”
ဘ၀င်မကျပေမယ့် “အင်း”လို့ ကျွန်မဖြေလိုက်တယ်။
ခရီးစဉ်ကို ဖျက်ပစ်ဖို့ အကြောင်းပြချက်ကောင်းကောင်း ကျွန်မရှာမတွေ့ခဲ့ဘူး။ နောက်ဆုံးတော့ ကျွန်မယောက်ျားနဲ့ ကျွန်မ တောင်ဝန်ရိုးစွန်းသွားမယ့် လေယာဉ်ပေါ်တက်ခဲ့ရတော့တယ်။ လေယာဉ်မယ်တွေကလည်း အေးတိအေးစက်နဲ့။ ပြတင်းပေါက် အပြင်ကို ကျွန်မကြည့်နေပေမယ့် တိမ်တွေကထူလွန်းတော့ ကျွန်မဘာကိုမှ မမြင်ရဘူး။ ခဏနေတော့ ပြတင်းပေါက်မှာ ရေတွေခဲလာတယ်။ ကျွန်မယောက်ျားကတော့ စာအုပ်တစ်အုပ်ကို တိတ်တဆိတ် ဖတ်နေလေရဲ့။ အပျော်ခရီးထွက်လာရတဲ့ စိတ်လှုပ်ရှားမှုမျိုး တစိုးတစိတောင် ကျွန်မ မခံစားရဘူး။ ဆုံးဖြတ်ချက်ချထားအတိုင်း လိုက်ပြီး ပြုမူဆောင်ရွက်နေရသလိုပဲ။ တောင်ဝန်ရိုးစွန်းရောက်လို့ လေယာဉ်ပေါ်က ဆင်းလိုက်တာနဲ့ ကျွန်မယောက်ျားရဲ့ ကိုယ်က ဆတ်ခနဲဖြစ်သွားတယ်။ အဲဒါက မျက်တောင်တခတ်လောက်သာ ကြာတယ်။ သူ့ရဲ့အမူအယာကလည်း ဘာမှမထူးခြားဘူး။ ဒါပေမယ့် ကျွန်မကတော့ သတိထားမိလိုက်တယ်။ ရေခဲလူသားရဲ့ အတွင်းက တစ်စုံတစ်ခုဟာ တိတ်တဆိတ် ဒါပေမယ့် ပြင်းပြင်းထန်ထန် လှုပ်ခါသွားတယ်ဆိုတာကိုပေါ့။ သူက ရပ်လိုက်ပြီး ကောင်းကင်ကို ကြည့်လိုက်တယ်။ နောက်တော့ သူ့လက်တွေကို ကြည့်တယ်။ သက်ပြင်းတစ်ချက် ရှိုက်လိုက်တယ်။ ပြီးတော့ ကျွန်မကို ကြည့်ပြီး ပြုံးပြတယ်။ သူကပြောတယ်။ “ဒါမင်းအလည်အပတ်သွားချင်တဲ့ နေရာလား”
“အင်းလေ၊ ဒီနေရာပဲ”ကျွန်မက ပြောလိုက်တယ်။….
တောင်ဝန်ရိုးစွန်းဟာ ကျွန်မထင်ထားတာထက်ကို ပိုပြီး အထီးကျန်ဆန်တယ်။ ဘာမှထူးထူးခြားခြားမရှိတဲ့ မြို့သေးသေးလေး တစ်မြို့ရှိတယ်။ အဲဒီမြို့ထဲမှာလည်း ဟိုတယ်က တစ်လုံးပဲရှိတယ်။ အဲဒီဟိုတယ်ကလည်း ဘာမှမထူးခြားဘဲ အရွယ်ကလည်း ခပ်သေးသေးပဲ။ တောင်ဝန်ရိုးစွန်းဟာ တိုးရစ်တွေ အလာများမယ့်နေရာတော့မဟုတ်ဘူး။ ပင်ဂွင်းလည်း တစ်ကောင်မှမရှိဘူး။ ပြီးတော့ ဘာအလင်းမျှင်မှလည်း မတွေ့ရဘူး။ သစ်ပင်မရှိ၊ ပန်းပွင့်မရှိ၊ မြစ်ချောင်းအင်းအိုင်လည်း ဘာမှမရှိဘူး။ နေရာတိုင်းမှာ ရေခဲပဲရှိတယ်။ နေရာတိုင်း ကြည့်လေရာနေရာတိုင်း ရေခဲပြင်ကြီးပဲ တပြန့်တပြောရှိနေလေရဲ့။
ကျွန်မယောက်ျားကတော့ တစ်နေရာပြီးတစ်နေရာသွားနေလိုက်တာ သူ့မှာ မမောနိုင်မပန်းနိုင်ပဲ။ ဒေသခံစကားကိုလည်း ခဏလေးနဲ့ တတ်သွားတယ်။ နှင်းတောင်ပြိုသလို အသံမျိုးနဲ့ မြို့ခံတွေကို စကားပြောနေလေရဲ့။ သူတို့တွေ နာရီပေါင်းများစွာ စကားတွေပြောကြတယ်။ မျက်နှာကလည်း အလေးအနက်ပဲ။ ကျွန်မကတော့ သူတို့ဘာတွေပြောနေလဲ မသိနိုင်ဘူး။ ကျွန်မယောက်ျားက ကျွန်မကို သစ္စာဖောက်ထားခဲ့သလိုမျိုး၊ ကိုယ့်ဖာသာကိုယ် ဂရုစိုက်ပြီးနေပေတော့လို့ ထားခဲ့သလိုမျိုး ခံစားနေရတယ်။ ရေခဲတွေဝိုင်းနေတဲ့ အဲဒီစကားလုံးမရှိတဲ့ ကမ္ဘာကြီးထဲမှာ ကျွန်မတဖြည်းဖြည်းနဲ့ အားလျော့လာတယ်။ တစ်ရစ်ချင်းတစ်ရစ်ချင်းပေါ့။ နောက်ဆုံးတော့ ကျွန်မမှာ စိတ်တိုစရာ အားအင်တောင်မရှိတော့ဘူးလို့ ခံစားလာရတယ်။ ကျွန်မရဲ့ ခံစားနိုင်စွမ်းကို ဆုံးရှုံးလိုက်ရသလိုပဲ။ ကျွန်မဘယ်ကို ဦးတည်နေမိသလဲဆိုတာလည်း မသိတော့ပါဘူး။ အချိန်တွေကိုလည်း မရေမတွက်နိုင်တော့ဘူး။ ဘယ်အချိန်မှစသလဲ၊ ဘယ်တော့ပြီးဆုံးမလဲ။ ကျွန်မသတိပြန်ကပ်လိုက်တာနဲ့ ရေခဲကမ္ဘာထဲရောက်နေတော့တယ်။ အဆုံးမရှိတဲ့ အရောင်အဆင်းမဲ့တဲ့ ဆောင်းရာသီထဲမှာ တစ်ယောက်ထဲ ပိတ်လှောင်လို့။
ကျွန်မရဲ့အာရုံခံစားမှုတွေ ဆုံးရှုံးကုန်ပေမယ့် ဒီလောက်တော့ ကျွန်မသိပါသေးတယ်။ တောင်ဝန်ရိုးစွန်းကို ရောက်ကတည်းက ကျွန်မယောက်ျားဟာ အရင်ကနဲ့ မတူတော့ဘူးဆိုတာ။ ကျွန်မကို သူစောင့်ရှောက်တယ်။ စကားပြောတဲ့အခါလည်း ကြင်ကြင်နာနာပဲ။ သူကျွန်မကို ပြောတာတွေကလည်း တကယ်စိတ်ရင်းနဲ့ပါပဲ။ ဒါပေမယ့် သူဟာ နှင်းလျှောစီးစခန်းမှာ ကျွန်မတွေ့ခဲ့တဲ့ ရေခဲလူသားမဟုတ်တော့ဘူးဆိုတာတော့ ကျွန်မသိနေတယ်။
ကျွန်မမှာ ဒါကို တစ်ယောက်ယောက် အရေးတယူလုပ်လာအောင် လုပ်ဖို့နည်းလမ်းလည်းမတွေ့နိုင်ဘူးဖြစ်နေတယ်။ တောင်ဝန်ရိုးစွန်းမှာ လူတိုင်းက သူ့ကို သဘောကျကြတယ်။ ကျွန်မပြောတဲ့စကားကျတော့ သူတို့တစ်ခွန်းမှနားမလည်ကြဘူး။ သူတို့ရဲ့ အာငွေ့ဖြူဖြူလေးတွေမှုထုတ်ရင်း ဟာသတွေပြောကြ၊ ငြင်းခုန်ကြ၊ သူတို့ရဲ့ဘာသာစကားနဲ့ သီချင်းဆိုကြ။ ကျွန်မကတော့ မှုန်မှိုင်းနေတဲ့ ကောင်းကင်ကို ကြည့်ရင်း အခန်းထဲမှာ တစ်ယောက်တည်း ထိုင်နေရတယ်။ ကျွန်မတို့ကို သယ်ဆောင်လာတဲ့ လေယာဉ်ကလည်း ပြန်သွားပြီ။ လေယာဉ်ပြေးလမ်းပေါ်မှာ ရေတွေခဲလို့။ ကျွန်မရဲ့ ရင်ထဲမှာလိုပေါ့။
“ဆောင်းရာသီ ရောက်လာပြီ” ကျွန်မယောက်ျားက ပြောတယ်။“ဒီမှာ ဆောင်းရာသီက သိပ်ရှည်တယ်။ အဲဒီအချိန်အတောအတွင်း ဘယ်လေယာဉ် ဘယ်သင်္ဘောမှ ဒီကိုမလာဘူး။ အားလုံးရေတွေခဲနေပြီ။ နွေဦးပေါက်တဲ့အထိ ငါတို့ ဒီမှာနေရလိမ့်မယ်”
တောင်ဝန်ရိုးစွန်းကို ကျွန်မတို့ရောက်ပြီး သုံးလကြာတဲ့အခါ ကျွန်မမှာ ကိုယ်ဝန်ရှိနေပြီဆိုတာ သိလိုက်ရတယ်။ ကျွန်မမွေးမယ့်ကလေးကလည်း ရေခဲလူသားလေးဖြစ်မယ်ဆိုတာ ကျွန်မသိနေခဲ့တယ်။ ကျွန်မဗိုက်တစ်ခုလုံး အေးခဲ့နေခဲ့တယ်။ ဗိုက်ထဲကအရည်တွေကလည်း နှင်းရည်တွေပဲ။ အထဲက အအေးဓာတ်ကို ကျွန်မခံစားနေရတယ်။ ကျွန်မကလေးက သူ့အဖေလိုပဲ နေမှာပဲ။ ရေခဲအချွန်အတက်လို အကြည့်နဲ့မျက်လုံးတွေ ပြီးတော့ရေခဲနေတဲ့လက်ချောင်းတွေ။ ကျွန်မတို့ မိသားစုလည်း တောင်ဝန်ရိုးစွန်းရဲ့ အပြင်ဘက်ကို ဘယ်တော့မှ ခြေမချနဲ့တော့။ ဘယ်တော့မှ မကုန်ဆုံးမယ့် အတိတ်ဟာ ကျွန်မတို့ကို ဆုပ်ကိုင်လိုက်ပြီ။ ကျွန်မတို့ အဲဒါကို ခါထုတ်ပစ်လို့မရနိုင်တော့ဘူး။
ကျွန်မရင်ထဲမှာ ဘာခံစားချက်မှမရှိတော့ဘူး။ ကျွန်မကိုယ်တိုင်ရဲ့ အနွေးဓာတ်တောင် ပျောက်ဆုံးလာနေပေါ့။ တခါတလေ ကျွန်မဆီမှာ အနွေးဓာတ်ရှိခဲ့ဘူးတယ်ဆိုတာတောင် ကျွန်မမေ့လျော့နေရဲ့။ ကျွန်မငိုလိုက်မိရင် ရေခဲလူသားက ကျွန်မပါးပြင်ကို နမ်းတယ်။ ကျွန်မရဲ့ မျက်ရည်တွေ ရေခဲဖြစ်သွားတော့တယ်။ သူက အဲဒီမျက်ရည်အခဲလေးတွေကို လက်နဲ့ယူပြီး သူ့လျှာပေါ်တင်လိုက်တယ်။ “ကိုယ်မင်းကိုဘယ်လိုချစ်တယ်ဆိုတာ ကြည့်စမ်းပါကွာ” သူကပြောတယ်။ သူအမှန်ကို ပြောနေတာပါ။ ဒါပေမယ့် ဘယ်နေရာက တိုးဝင်လာမှန်းမသိတဲ့လေက သူ့ရဲ့ စကားလုံးဖြူဖြူတွေကို အတိတ်ဆီ တိုက်ခတ်သယ်ဆောင်သွားတော့တယ်။

Haruki Murakami ၏ Ice Man ကို ပြန်ဆိုသည်။
မူရင်း text ရရှိအောင် ကူညီခဲ့သော ပန်ခေတ်(konyimlm.co.cc )အား ကျေးဇူးတင်ရှိပါသည်။