“အလကားပေးတာ ယူမယ့်လူမှ မရှိတာ။ ရောင်းလိုက်ဖို့ပဲ ရှိတော့တယ်”
သူမက ငြိမ်နေလိုက်သည်။
“ခက်တာက အဖေကလည်း ပေးလိုက်ပြီးရင် ရံခါဆိုသလို သူ့မိုးသီးကို သွားကြည့်ချင်သေးတာ။ ရောင်းလိုက်ရင်တော့ အဲဒီအခွင့်အရေး ဘယ်ရတော့မလဲ”
ဇော်က ပြောရင်း သူမရဲ့အခန်းကို လိုက်ကြည့်နေသည်။ ရိုးရိုးပဲ ကြည့်တာလား။ ဒီလောက်ခန်းအကျယ်ကြီးမှာ မိုးသီး နေရာမပေးနိုင်ဘူးလားဆိုပြီး ကြည့်တာလား။ ဘယ်လိုပဲဖြစ်ဖြစ် သူမကတော့ အခန်းထဲမှာ တိရိစ္ဆာန်တစ်ကောင်နဲ့ အတူနေဖို့ စိတ်ကူးလို့မရနိုင်ပေ။
“ကိုယ် မှော်ဘီဘက်က အန်ကယ်တင့်ဆီ သွားကြည့်လိုက်ဦးမယ်။ မင်းလိုက်မလား”
“မလိုက်တော့ဘူး။ ငါ ဂရင်းမီးရထားမှာ ယောဂအတန်းရှိတယ်”
အခန်းထဲက ထွက်သွားသည်အထိ မိုးသီးက သူမကို အားကိုးသော မျက်လုံးအစုံဖြင့် ကြည့်နေဆဲ။ သူမအတန်းဖျက်ပြီး ဇော်နှင့် လိုက်သွားပေးရင် အကောင်းသားလို့ တွေးနေမိသည်။ မဖြစ်သေးပါဘူး။ သူမအတန်းမှာ သင်တန်းသားက သိပ်မများသေး။ တော်ကြာ ပိုင်ရှင်က နောက်တစ်တန်းအတွက် မငှားပဲနေဦးမည်။ သူမအတွက် အခုအချိန်မှာ ယောဂတန်းက ၀င်ငွေကလည်း အရေးကြီးနေသည်။ လောလောဆယ်သူမတွင် အင်္ဂလိပ်စာအတန်းက တစ်ခုသာရှိသည်။ သူမရောက်ခါစနှစ်တွေကလောက် အဆင်မပြေလှ။ ထိုစဉ်ကတော့ သူမအနေဖြင့် သံရုံးသင်တန်းတချို့ရော..အပြင်က သင်တန်းတွေမှာပါ အလုပ်တွေရခဲ့သည်။ နောက်တော့ နာဂစ်မုန်တိုင်းတိုက်သည်။ နာဂစ်တိုက်ပြီးနောက်ပိုင်း တစ်နှစ်ကျော်နှစ်နှစ်လောက်အထိကတော့ နာဂစ်နဲ့ပတ်သက်တဲ့ အလုပ်တွေ တစ်ခုပြီး လုပ်နေခဲ့ရသည်။ အစီရင်ခံစာတွေ ရေးပေးရတာ၊ စာအုပ်တွေတည်းဖြတ်ပေးရတာ၊ အကြံပေးလုပ်ရတာ။ အဲဒီတုံးကဆို ဇော်နှင့်လည်း ကတောက်ကဆ ခဏခဏ ဖြစ်ရသည်။ အလုပ်တွေရှုပ်လိုက်၊ ဇော်နှင့်ရန်ဖြစ်လိုက်၊ ဇော်နှင့်ရန်ဖြစ်ထားတုံး ဗီဇာကလည်း ကုန်တော့ တော်ပြီ..ပြန်မလာတော့ဘူးဆိုပြီး သူမရဲ့နိုင်ငံအထိ ပြန်သွားလိုက် ဖြစ်နေခဲ့သေးသည်။
နောက်တော့လည်း မနေနိုင်ပါဘူး။ ဒီမှာနေနေစဉ် မသိသာပေမဲ့ ဒီနိုင်ငံကနေထွက်သွားရင် ဇော့်ကိုပဲ သူမ သတိရနေမိသည်။ အိုင်ဗရီကို့စ်ဘက်သွားဖို့ အလုပ်တစ်ခုလျှောက်ထားတာ အင်တာဗျူးတဆင့်အောင်ပြီးမှ ဆက်မဖြေဖြစ်တော့။ သူမရဲ့ ခြေလှမ်းတွေက ဇော်နဲ့ ဝေးရာဆီသို့ လှည့်၍မရ။
နောက်ဆုံးတခေါက်လာတာကတော့ တကယ့်ကို အားတင်ပြီးလာခဲ့ရတာဖြစ်သည်။ သံရုံးက သူမကို အလုပ်ပေးသော်လည်း အတန်းတတန်းစာသာဖြစ်ပြီး လခအတော်နည်းနေသည်။ အပြင်က သင်တန်းတွေမှာကလည်း မွေးရာပါအင်္ဂလိပ်စကားပြောတတ်တာကလွဲလို့ ဘာပညာရေးအတွေ့အကြုံနောက်ခံမှ မရှိတဲ့သူတွေ အတော်များများက ဈေးကွက်ကို ဖျက်ထားကြသည်။ သူမကတော့ သူတို့ဈေးနှင့်မသင်နိုင်။ နောက်ပြီး သူတို့တွေနဲ့လည်း ရောပြီး မသင်နိုင်။ ဒီလိုနဲ့ သူမယောဂကောင်းကောင်းတတ်တာ သိထားတဲ့ သူငယ်ချင်းတစ်ယောက် ချိတ်ပေးတာနဲ့ ဂရင်းမီးရထားမှာ ယောဂဆရာမ ဖြစ်လာတာဖြစ်သည်။ အဲဒီအတန်းကလည်း အခြေအနေသိပ်အကောင်းကြီးမဟုတ်။ သင်တန်းသား သိပ်မရ။ သူမရဲ့ သင်တန်းသားတစ်ယောက်ကတော့ နေပြည်တော်မှာ သွားလုပ်ချင်ရင် ချိတ်ပေးမည်ဟု ပြောသည်။ နေရေးလည်းအဆင်ပြေ၊ လစာလည်းကောင်းစေရမည်ဟု အာမခံသည်။ တကယ်သွားလို့ ဖြစ်နိုင်မဖြစ်နိုင်တော့ မစုံစမ်းကြည့်ရသေး။
နေ့လည်စာကို အခန်းထဲမှာပဲ စားလိုက်ပြီး အပြင်ထွက်ရန်ပြင်သည်။ မြို့ထဲက ပြန်လျှင်တော့ မြေနီကုန်းစီးတီးမတ်က ပေါ်ပြူလာစာအုပ်ဆိုင်မှာ စာအုပ်ဈေးပွဲဝင်ရမည်။ ပေါ်ပြူလာက ပုံမှန်အားဖြင့် ဈေးကြီးပေမယ့် ဈေးပွဲတော်မှာတော့ တန်တန်ရာရာလေးတွေ ရချင်လည်းရနိုင်သည်။
တက္ကစီက အင်းလျားကန်ဘေးက ဖြတ်မောင်းနေတုံး မိုးဖွဲလေးတွေကျလာသည်။ သူမနေခဲ့သည့် လေးငါးနှစ်အတွင်း ရန်ကုန်မှာ မတ်လကြီး မိုးရွာခဲသည်။ အခုတော့ နှစ်ပတ်လောက်ရှိပြီ။ သုံးလေးရက်လောက် မိုးရွာလိုက်။ နေပြန်ပွင့်လာလိုက်။ ပြန်ရွာလိုက်။ ရွှေဂုံတိုင်ပွိုင့်မှာ မိနေတုံး ဖုန်းမြည်လာသည်။ ကြည့်လိုက်တော့ ဇော့်ဆီက။ မိုးကပိုသည်းလာနေသဖြင့် မှန်ကို အပြည့်ပိတ်လိုက်ရသည်။ တော်သေးသည်။ ငှားလာသည့်ကားက ထူးထူးဆန်းဆန်း အဲကွန်းကောင်းနေပေလို့။ မိုးသံကြောင့်လား ဇော့်ဖုန်းက လိုင်းသိပ်မမိလို့လားမသိ။ ကောင်းကောင်းမကြားရ။ မိုးသီးကို အန်ကယ်တင့် ခြံနီးချင်းတစ်ယောက်က လက်ခံမည်တဲ့။ တစ်လတခါဆိုသလိုလည်း လာကြည့်လို့ရသည်။ အင်း..ဇော့်အဖေက နောက်ဆို ဇော့်ပဲ လွှတ်နေမှာ လို့ သူမက ပြောလိုက်သည်။ ဇော်ကရယ်လျက် အေး..နောက်တခေါက်ဒီကိုလာရရင်တော့ မင်းလဲလိုက်မှ ဖြစ်မှာ..။ ဖုန်းကျသွားသည်။
Kanyan's Blog 