Feeds:
Posts
Comments

Archive for July, 2012

အိမ်သာခွက်ဖြူဖြူသည် သူထွေးချလိုက်သော တံတွေးကြောင့် အနီရောင်စွန်းသွားသည်။ သွေးစများပါနေသော တံတွေးကွက်ပေါ်သို့ သူ့သေးလမ်းကြောင်းကို ဦးတည်လိုက်ရာ တဖြည်းဖြည်းချင်း မျောပါသွားတော့သည်။ နံရံတွင် ဖောက်ထားသော ခပ်သေးသေးလေ၀င်ပေါက်မှ မီးခိုးငွေ့အချို့ဝင်လာသည်။ တံစက်မြိတ်အစွန်မှ စီးကျနေသော မိုးရေစက်များအကြားတွင် မီးခိုးငွေ့များ ဖြတ်သန်းသွားသည်။ ရေစီးသန်သော ချောင်းတစ်ခုကို ဖြတ်သန်းဖောက်လုပ်ထားသော ကြိုးတံတားတစ်ခုကို မြင်ယောင်လာသည်။ ထိုတံတားပုံကို သူမကြာခဏ ညှပ်လေ့ရှိသော ဆံပင်ညှပ်ဆိုင်နံရံတွင်ကပ်ထားသည်။ ဆံပင်ညှပ်သည့်ကောင်မလေးတွင် လှပသော လက်ချောင်းများမရှိပါ။ သူမသည် လေယာဉ်ပိုင်သည့် သဌေးတစ်ဦး၏ စပွန်ဆာ ဖြစ်ရန် ကြိုးစားနေကြောင်း သူ့ကို ပြောပြခဲ့ဘူးသည်။ သူမထံမှ ထိုစကားကြားရပြီးနောက်ပိုင်း ဂူးဂဲတွင် လေယာဉ်ကတ်တလောက်အချို့ သူရှာဖွေ ကြည့်ရှုခဲ့သည်။ ပတ်ဝန်းကျင်မှ အငြင်းအခုန်ဖြစ်နေသော စကားသံများ သူ့နားအတွင်းသို့ တိုးဝင်လာသည်။ အသက်ကြီးပိုင်အမျိုးသားက သူ၏ ဇနီးဖြစ်ဟန်ရှိသူကို ထမင်းကြမ်းတွေ ဘာလို့ သွန်ပစ်လိုက်ရတာလဲဟု မေးနေသည်။ ဇနီးဖြစ်သူက ရှင့်သမီးသွန်ပစ်လိုက်တာဟို ပြန်ဖြေသည်။ အသက်ကြီးပိုင်း အမျိုးသား၏ မြားဦးက သမီးဖြစ်သူထံလှည့်သွားသည်။ နင်တို့က ပိုက်ဆံတန်ဘိုးမသိတဲ့သူတွေပဲ။ သမီးဖြစ်သူက ပြန်ပက်သည်။ မသွန်တော့ကော အဖေ့ထမင်းတွေ ဘယ်သူစားမှာမို့လဲ။ မိုးက ပိုသည်းလာသည်။ မိုးနှင့်အတူ လေပါပါလာသဖြင့် ကြိုးတံတားလေး လှုပ်ခါလာသည်။ ကြိုးတံတားအောင် ချောင်းရေထဲတွင် ကျောက်ခဲ့အချို့ မျောပါလျက်ရှိသည်။ ယင်းချောင်းကလေး၏ နံဘေးတွင် ယာတောအိမ်တစ်လုံးရှိသည်။ ယင်းအိမ်တွင် ဆွံ့အနေသာ အမျိုးသမီးတစ်ဦးရှိသည်။ ယင်းအမျိုးသမီးထံသို့ အမျိုးသားနှစ်ယောက်ရောက်လာသည်။ ထို့နောက် ပြန်ထွက်သွားကြသည်။ အမျိုးသမီးသည် နောက်ပိုင်းတွင် အမွှာကလေးနှစ်ယောက်  မွေးဖွားခဲ့သည်။ ဥသြဆိုသည့် နိုင်ငံခြားဇာတ်ကားတွင် သူ့ကြည့်ရှုခဲ့ရသည်။ လေယာဉ်စီးတိုင်း သေမှာကြောက်သည့် စိတ်က ပေါ်လာတတ်သည်။ မည်သည့်မိန်းမနှင့်မဆို စကားလက်ဆုံကျလေ့ရှိသော သူသည် လေယာဉ်မယ်များနှင့် စကားပြောလေ့မရှိပါ။ သူငယ်စဉ်က အဘွားထံမှ မုန့်ဖိုးရသဖြင့် အလွတ်ကျက်မှတ်ခဲ့ဘူးသော ဘုရားစာများကို ရွတ်ဆိုနေရသဖြင့် စကားမပြောခြင်း မဟုတ်ပါ။ ဆံပင်ညှပ်သည့်ကောင်မလေးကို လေယာဉ်မယ်အဖြစ် ပြန်လည်တွေ့ဆုံရသည် သို့မဟုတ် မိုးထဲလေထဲ လှုပ်ခါနေသော ကြိုးတံတားပေါ်တွင် သူမနှင့်အတူ ကူးဖြတ်သွားသည်ဟု အိမ်သာတက်နေစဉ် သူစိတ်ကူးကြည့်မိသည်။ အဘိုးအိုက မြေပြင်တွင် ပြန့်ကျဲနေသော ထမင်းလုံးများကို ပြန်လည်ကောက်ယူရန် ကြိုးပမ်းလျက်ရှိသည်။ သမီးဖြစ်သူက မလုပ်ပါနဲ့အဖေ။ အဖေဟာလေ..အဖေ့ဟာအဖေလည်း စိတ်ချမ်းသာအောင် မနေတတ်ဘူး။ သူများကိုလည်း စိတ်ချမ်းသာအောင် မထားဘူး။ အမေရေ..ကြောင်ကလေးတွေ မွေးနေပြီ။ အားလုံးတိတ်ဆိတ်သွားသည်။ ခဏနေတော့ မြင်ကွင်းထဲသို့ ကြောင်တစ်ကောင် ၀င်ရောက်လာသည်။ ဟဲ့ကြောင်မကြီးက မမွေးနိုင်လို့နဲ့တူတယ်ဟု ဇနီးဖြစ်သူက ပြောလိုက်သည်။ အဖေဖြစ်သူက ဟေ..ဟုတ်လား။ သမီးဖြစ်သူက မောင်လေးရေ..အပေါ်မှာ ဘယ်နှစ်ကောင်လဲဟု လှမ်းမေးသည်။ ထို့နောက် ဤ၀တ္ထုကို ရွှေအမြုတွေသို့  ပို့မည်။ သို့သော အင်တာနက်ဆိုင်သို့ ၀င်လာသူတစ်ဦးသည် ချေးပုံနင်းခဲ့ပုံရသည်။ မီးပျက်နေသဖြင့် လေ၀င်လေထွက်ကလည်း မကောင်းသဖြင့် ဤ၀တ္ထုကို ဤနေရာတွင် ရပ်ရပါတော့မည်။

Advertisements

Read Full Post »

ဆူပွက်နေတဲ့အိပ်မက်

ဖိတ်တချို့ စင်တချို့

အိပ်မက်ဟာ ဆက်လက်ဆူပွက်နေတယ်

အမြှပ်တစီစီ

တချို့ဟာ

ဆူပွက်နေတဲ့အိပ်မက်ထဲက ထွက်ကျ

တချို့ဆက်လက် ဆူပွက် အိပ်မက်

အိပ်မက်ဟာ ရပ်သွားတယ်

ဆူပွက်မှုရပ်သွားတယ်

နောက်အိပ်မက်တစ်ခု ပြောင်းမက်တယ်

နောက်အိပ်မက်ဟာ ဆက်လက်ဆူပွက်ခြင်းရှိမရှိ

အိပ်မက်ကနေ နိုးလာတယ်

ဆူပွက်နေတဲ့ အိပ်မက်ကို အမှတ်ရခြင်း ရှိ/မရှိ

 

 

မဆ

Read Full Post »