Feeds:
Posts
Comments

Archive for July, 2013

သူ့ဘ၀၏ အရေးပါသော အဖြစ်အပျက်များသည်  မြန်မာ့သမိုင်းနှင့်သော်လည်းကောင်း၊ ကမ္ဘာ့သမိုင်းနှင့်သော်လည်းကောင်း ဆက်စပ်ခြင်း မရှိပေ။ ကျောင်းတိုင်များကို သဘောကျ၍ အင်ဂျင်နီယာပညာကို သင်ယူရန် သူဆုံးဖြတ်ခဲ့သည်။ ကျောင်းတိုင်များအကြောင်း စဉ်းစားမိလျှင် ဦးအာပိုကို သူသတိရသည်။ လွှမ်းမိုးသီချင်းကြားလျှင် သူ့သူငယ်ချင်းတစ်ယောက်ကို သတိရသကဲသို့ပင်။ ဘ၀ဆိုသည်မှာ ယင်းကဲ့သို့ ဟိုက်ပါလင့်ခ်များနှင့် ဖွဲ့စည်းထားသည်လား။ တောကျောင်းဆြာနှင့် အက်ပရက်ဆို သောက်ဖြစ်သည့်အခါ ဆွေးနွေးကြည့်ရမည်။ ယခုဤစာသည် မြင့်သန်း၏ သူရေး၍ သူကြိုက်သောစာထဲမှ စာများနှင့် ဆင်ကောင်းဆင်နေမည်။ မြင့်သန်းက ထိုစာများကို သူမကြိုက်တော့ နောက်ပိုင်းတွင် ပြောကြောင်း သူပြန်ကြားရသည်။ သို့မဟုတ် ဖတ်ရသည်။ သူကတော့ မြင့်သန်း၏ ထိုစတိုင်ကို ယခုအထိ နှစ်ချိုက်နေဆဲပင်။ ဆင်ဂယ်မော့ဝီစကီများက မြင့်သန်း၏ အကြိုက်ကို ပြောင်းလိုက်ခြင်း ဖြစ်ကောင်းဖြစ်မည်။ သူကား ဆင်ဂယ်မော့ မှန်မှန် မသောက်နိုင်သဖြင့် ဘီဖော်တူးသောင်ဇင်တွင် ကျန်ရစ်ခဲ့ခြင်း ဖြစ်နိုင်သည်။

ဆန်စင်ရာ ကျည်ပွေ့လိုက်သည့်နည်းကို မသုံးမိစေရန် အစသို့ ပြန်သွားရအောင်။ သူ့ဘ၀၏ ပထမဆုံးအရေးပါသော အဖြစ်အပျက်မှာ ခြောက်တန်းတွင် ကောင်မလေးတစ်ယောက်ကို စကြိုက်ခဲ့ခြင်းလား၊ ရှစ်တန်းတွင် သူငယ်ချင်းကောင်မလေးတစ်ယောက်နှင့် ရန်ဖြစ်သဖြင့် လက်ကို ခဲတံဖြင့် အထိုးခံရခြင်းလား မသေချာပေ။ သူ့ဘ၀တွင် အရေးပါသော အဖြစ်အပျက်များမှာ မိန်းမများနှင့် တစ်နည်းမဟုတ်တစ်နည်း ဆက်စပ်နေခဲ့တတ်သော်လည်း မိန်းမများနှင့် မဆက်စပ်သည့် ထိုအဖြစ်အပျက် (ကျောင်းရွေးခြင်း)က သူ့ဘ၀လမ်းကြောင်းအပေါ် များစွာ အဆုံးအဖြတ်ပေးခဲ့သည်ကို သူသတိပြုမိလာခဲ့သည်။

ဦးအာပိုအကြောင်းဖြတ်ပြောရလျှင် မဆလခေတ်က ကောင်စီလား ပါတီလား အဲဒါမျိုးဖြစ်သည်။ သူ့တာဝန်က ငါးဖမ်းလှေများကို စစ်ဆေးခြင်းလား ကြီးကြပ်ခြင်းလား အဲဒါမျိုးဖြစ်သည်။ ငါးလှေကပ်ရာ ဆိပ်သည် သူ့ရုံးခန်း။ ငါးသည်မိန်းမများဘက်ကို ကျောပေး၍ ပေါင်ကြားမှ ဂွေးဥနှစ်လုံးကို ဖော်၍ အိပ်လေ့ရှိသည်။ ယင်းနှင့်ပတ်သက်၍ နောက်ဆက်တွဲအချက်အလက်များ သူမသိရသော်လည်း ဦးအာပိုသည် သူ့အတွက် အောတိုင်းမ်ဟီးရိုးဖြစ်ရခြင်းမှာ ပခုက္ကူဘက်ရှိ ပခန်းကြီးကျောင်းသို့ အလည်အပတ်သွားရာတွင် ညဘက် ကျောင်းအောက်ဆင်း အလေးစွန့်ပြီး အီးကုန်းစရာ ရှာမတွေ့သဖြင့် ဖင်ပြောင်အောင် ကျောင်းတိုင်နှင့် ပွတ်ခဲ့ခြင်းဖြစ်သည်။ (သင့်အနေဖြင့်လည်း လာမည့်နွေရာသီတွင် ခရီးထွက်ဖြစ်ပါက ပခုက္ကူဘက်သို့ သွားရန် ရွေးချယ်နိုင်ပေသည်။)

ဦးအာပိုနှင့် ကျောင်းတိုင်များကြားအဆက်အစပ်အကြောင်း ပြောအပြီးတွင် ဘီယာကုန်သွားသဖြင့် စကားစပြတ်သွားရသည်။ သူ့ဘ၀တွင် အရေးပါသောအဖြစ်အပျက်များအဖြစ် ကာမျူး (ကေးမတ်စ်ဟု ခေါ်ချင်လည်းခေါ်)၏ လာအီထရိန်ဂျာနှင့် ဂျေဒီဆလင်းဂါး၏ ကက်ချာအင်းသရိုင်းတို့ကို (ဗမာလို)ဖတ်မိခြင်းတို့ကိုလည်း ထည့်သွင်းရပေမည်။

ထိုစာအုပ်များမဖတ်ခဲ့သော သူငယ်ချင်းများ ကိုယ်ပိုင်ကားစီးနေသည်ကို တွေ့ရသောအခါ သူမည်သို့ ခံစားရမည်နည်း။ ရှိစေတော့။ ထိုအကြောင်းများကို မဆွေးနွေးလို။ ဦးအာပိုတွင် သမီးအပျိုကြီးတစ်ယောက်ရှိသည်ကို သူသတိရလာသည်။ နှစ်ပေါင်းများစွာကြာပြီးမှ ထွက်ရှိလာသော အပျိုကြီးများ၏ အ၀ါရောင်သုတ်ခဲများအကြောင်းသို့ လမ်းချော်ရန် စိတ်ကူးမရှိပါ။ အဆိုပါသုတ်ခဲများကို ဖင်ထူသော ဖန်ခွက်ဖြင့်ထည့်ပြီး မြင့်သန်းကို တိုက်ရသော် အဘယ်သို့ နေမည်နည်း။ ထားပါ။ ကျောက်စရစ်ခဲဆားစိမ်ကို သယ်ဆောင်လာသော မြင့်သန်းကို သူအမြဲတစေ ကျေးဇူးတင်နေမည်သာ ဖြစ်သည်။

သူ သူမကို ချစ်ခဲ့သည်။ ဒီလိုပဲ သူယုံကြည်ခဲ့သည်။ သူ့အချစ်ကို သူမသိအောင် နည်းမျိုးစုံဖြင့် ကြိုးစားခဲ့သည်။ သူအသက်ဆက်ရှင်နေခြင်းသည်လည်း သူ သူမကို ချစ်ကြောင်း သက်သေပြရန်ပင်။ သူ တခြားမိန်းမတွေနဲ့အိပ်တာ၊ နောက်ဆုံး တခြားမိန်းမတစ်ယောက် (ဒီနေရာမှာ အင်္ဂလိပ်လိုဆိုရင်ဖြင့် အားသားနှင့် အနားသား ကွဲအောင် ရေးနိုင်ပေချိမ့်)ကို လက်ထပ်ပြီး ကလေးတွေဘာတွေမွေးလိုက်တာ..ဒါတွေဟာလည်း သူ့အချစ်ကို သက်သေပြဖို့ ကြိုးစားခဲ့ခြင်းပင်။

ဆယ်နှစ်ကြာပြီးနောက် ငါးမန်းတောင်ကို သူမကြိုက်မှန်း သေချာသွားခဲ့သည်။ တိမ်တွေတောက်နေပြီ။ ခရမ်းရောင်တိမ်များကား သူ့အချစ်အတွက် ၀စ်တနက်စ်ဖြစ်စေသတည်း။ ကောင်းကင်ဟာ ကြောက်စရာကောင်းတယ်။ မီခဲဟူလီဘက်လိုပဲ ကြောက်စရာကောင်းတယ်။

သူမမျက်နှာလေးကို ချစ်ပေမယ့် သူမရဲ့ ခြေထောက်တွေကို မချစ်နိုင်ပေ။ ထိုကြောင့် သူ့အနေဖြင့် ခြေထောက်လှသော မိန်းမတွေနဲ့ ပတ်သက်ဖို့ ဖြစ်လာခဲ့သည်။ အဲလိုနဲ့..လေရူးသုန်သုန်ကို မဖတ်ဖူးတဲ့ စကားလက်ဆိုတဲ့ ကောင်မလေးနဲ့ သူတွေ့တယ်။ အဲဒီမနက်က သူမဟာ လေ့ကျင့်ခန်းတစ်ခုခုလုပ်ပြီးခါစဖြစ်မယ်။

Advertisements

Read Full Post »

စင်သီယာ့ကိုမုန့်ဝယ်ကျွေးနေတုန်

းသူ့လွယ်အိတ်ထဲအုတ်ခဲတွေထည့်ခဲ့တဲ့ကောင်ကိုစလုံးမှာပြန်တွေ့တယ်
ကျော်ခိုင်ဝင်း သေသွားတဲ့အကြောင်းကိုပြောရင်း မူရင်းစာသားအချို့ကျကျန်ခဲ့
ကမ္ဘာကြီးကျဉ်းသွားတာ နေစရာနေရာ ကျဉ်းသွားခြင်းပဲ
တိုက်ဂါးတစ်လုံးစီနဲ့ ၂၀၀၀နာရီမှ ၂၂၀၀နာရီ ဘီယာတွေနွေးသွားတဲ့အထိ
စင်သီယာနဲ့ ဘယ်လိုညားသွားတယ်ဆိုတာ ဟိုကောင်ပြောမသွားဘူး
၁၉၉၉၀န်းကျင်က မေမြို့မှာမိုးခေါင်တာကြားဖူးလားလို့ လိုက်မေးတဲ့
အရူးတစ်ယောက်ရှိခဲ့ဖူးတယ်
သူပြန်ရောက်ခဲ့တုန်းက မေမြို့ကို ပြင်ဦးလွင်လို့ ခေါ်မိတာ
ကျောက်တောင်ဘုရားပေါ်ကနေကြည့်တော့ မြို့ကမျက်နှာထားပြောင်းတယ်
နေကြာပန်းတွေနဲ့လမ်းက နင့်ကြောင့်မို့ အ၀ါရောင်လမ်းကလေးဖြစ်လို့
ငါ့ယုံကြည်မှုကို ပြက်ရယ်ပြုမယ်ဆို အခုရောက်နေတဲ့နေရာမှာ ရပ်ပစ်လိုက်ပါ စင်သီယာ
အဲဒီနေ့က ဘုရားသခင်ဟာ အ၀ါရောင်လမ်းကလေးပေါ် မရောက်လာခဲ့ဘူး
သူမရေးသွားတဲ့ကဗျာဟာ ခုထိသူ့အာရုံကို အနှောက်အယှက်ပေးနေတုန်းပဲ
ဒီကဗျာဟာ သူမရေးသွားတာလား သူမရေးသွားတာတာလား မသဲမကွဲနဲ့
မျက်လုံးမှိတ်ပြီး ခံစားကြည့်၊နည်းနည်းနားလည်လာပြီဆို
အခုရောက်နေတဲ့နေရာမှာ ရပ်ပစ်လိုက်
ဝက်စ်ကို့စ်လမ်းပေါ်လျှောက်လာရင်း အတွေးစတွေကို ဖွာထုတ်နေရတယ်
ဥပမာ သူသာဒါကိုရွေးချယ်ခဲ့ရင် ခုချိန်မှာ စင်ကာပူအနှံ့ ကားတစ်စီးနဲ့
အပျင်းပြေပတ်မောင်းနေသူ ဖြစ်ကောင်းဖြစ်နေမှာပဲ ဆိုတာရယ်
သူသာဒါကို မရွေးချယ်ခဲ့ရင် အပျင်းပြေပတ်မောင်းလာတဲ့ ကားတစ်စီးနဲ့
မတော်တဆ တိုက်ခံရသူ ဖြစ်ကောင်းဖြစ်နေမှာပဲ ဆိုတာရယ်
နှစ်မျိုးစလုံးမရွေးချယ်ခဲ့လို့ စင်သီယာမသိသော လူတစ်ယောက်အဖြစ်
ကားတိုက်မှုကို ရပ်ကြည့်နေသူများထဲက လူတစ်ယောက်ဖြစ်နေတာရယ်
မျက်လုံးမှိတ်ပြီး ခံစားကြည့်၊လောကကြီးဟာ ဘာမှမဟုတ်တော့သလို မှောင်ကျသွားတာမြင်ရမယ်
စီးကရက်နောက်တစ်လိပ်ကိုထုတ်တော့ ကုလားကြီး*ရဲ့ BABY သီချင်းကထွက်ကျလာတယ်
နားနဲ့လိုက်ကောက်ပြီး ရင်ဘတ်ထဲထည့်ကြည့်
တစ်ခုခုရလာပြီဆို အခုရောက်နေတဲ့နေရာမှာ ရပ်ပစ်လိုက်ပါ စင်သီယာ
သူ့နာရီမှာ ၂၂၃၀ကိုပြနေတယ်၊စင်သီယာ စက္ကန့်များက မရပ်သေး
နင့်လွယ်အိတ်ထဲက အုတ်ခဲတွေငါကူထုတ်ပေးခဲ့တာလေဆိုပြီး ရယ်နေတာများ
ကျော်ခိုင်ဝင်းပြန်ပြောမှသိရလို့ ဟိုကောင်ကို စိတ်ဆိုးတာ နင်ရောငါရော
မျက်လုံးမှိတ်ပြီး ခံစားကြည့်၊အခုရောက်နေတဲ့နေရာမှာ ရပ်ပစ်လိုက်လို့မရတာ
သူဖြစ်နေတယ်
မေမြို့ညလေတွေလို ထင်ယောင်ထင်မှားရနံ့ထဲ ကိုကို ဖုန်းလာနေတယ် ရင်းတုန်းကြားတယ်
အချိတ်အဆက်တွေ အကုန်လုံးလေထဲလွင့်သွားတာ ၂၃၀၀နာရီတိတိ။     ။
*ကုလားကြီး=Serj Tankian

ပီမို

Read Full Post »

ဇွန်လမှာ တိုက်စားသွားတဲ့ မိုးရေများ

ပန်းတို့ ပွင့်တယ်

အချိန်တွေ တိုက်စား

တော်တော်ကြာတယ်လို့ ထင်ခဲ့ရ

ပန်းတို့

ကြွေစရာ နေရာ

လမ်း

တစ်လျှောက်မှာ

ပန်းကောက်စရာ မရှိ

ပန်းတို့ ပွင့်တယ်

ပန်းတို့ ပွင့်ဆဲ

ဇွန်လမှာ ပြန်ရောက်လာတဲ့ မိုးရေစက်တွေ

ဇွန်မှာ ပြန်ရောက်လာ

မိုးရေစက်များ

ပန်းတို့ပွင့်ဆဲ

ပန်းတို့ ပွင့်တယ်

ချစ်သော

ချစ်သောသူလည်း ပျော်နိုင်စေ။

နေထွန်းနိုင်

ဇွန် ၁၁ ရက်၊ ၂၀၁၃။

Read Full Post »