မနေ့ကကို ဒီနေ့ဆီယူလာပြီး ဒီနေ့ကို မနက်ဖြန်ဆီရွှေ့ကြည့်တဲ့အခါ

ကျွန်တော်ဟာ ဂစ်တာတစ်လက်လို့ပြောလည်း ကြိုးတွေကို ညှိလိုက်တာပဲ
ကျွန်တော်ဟာ သစ်ရွက်တစ်ရွက်လို့ပြောလည်း လေထဲလွင့်ဝဲပစ်လိုက်တာပဲ
ကျွန်တော်ဟာ အမှိုက်ထုပ်တစ်ထုပ်လို့ပြောလည်း ချောင်ထဲခွေခေါက်အိပ်လိုက်တာပဲ။

မိတ်ဆွေတွေနဲ့ လိမ်ညာပြီး အရက်မသောက်ချင်တော့ဘူးလို့
ကျွန်တော် ပြောမလာခင်အထိ
ကျွန်တော့်ရယ်သံတွေက အစစ်လိုပါပဲ။
(ဒီနေရာကစလို့ ကျွန်တော်ဟုဆိုလျှင် သူဟုမှတ်ပါလေ)

ပြန်တွေးတော့
ကျွန်တော်ဟာ မီးခိုးတွေဖြစ်လို့
ကိုယ့်ကိုကိုယ်ပြန်ခေါ်ဖို့ မကြိုးစားဘဲ
တစ်ယောက်ယောက် အခေါ်ကို စောင့်နေခဲ့ရတာ
သေတ္တာထဲ သေနေတဲ့ စာရွက်ဝါကျင်ကျင်တွေပဲကျန်တယ်။

ကမ္ဘာစစ်ထဲ ကျွန်တော်မရောက်ခဲ့သလို
ကမ္ဘာအစစ်ထဲ ကျွန်တော်မ၀င်ခဲ့
ကျန်ခဲ့တဲ့ စာရွက်အ၀ါတွေထဲက စာကြောင်းတွေလို
ဝါကျတစ်ကြောင်းနဲ့ တစ်ကြောင်းအကြားမှာ
တစ်နာရီ တစ်ရက် တစ်လ တစ်နှစ်
အစရှိသဖြင့် ကြာမြင့်ခဲ့သော
ကျွန်တော်ဟာ ဖတ်မရအောင် သေနေတဲ့ အသေ။

အခု အရေးအသားဟာလည်း
ခင်ဗျားကျက်မိနေတဲ့ လူတစ်ယောက်လိုလိုနဲ့
ဒီခေတ်ထဲ ဘယ်သွားဖွင့်ရမှန်းမသိတဲ့
အက်ကြောင်းထပ်နေသော ဓာတ်ပြားအိုကြီးလို
ကျွန်တော့် အသံဟာ
ရွေ့နေတဲ့ လူအုပ်ကြီးကြားထဲ ကျပျောက်ခဲ့။

ပြောလိုက်ရင် မနေ့ကအကြောင်းပဲပြန်ရောက်သွားတယ်
လေထဲမှာ တရွတ်တိုက်မျောနေတယ်
ကြယ်လိုပဲ ဘယ်သူမှမသိခင် ကြွေသွားတယ်။

ဒီလိုပါပဲ
ဒီနေ့သွေးထားတဲ့ဓားဟာ
မနက်ဖြန်မှာ တုံးတယ်။ ။

ပီမို
၀၅.၀၉.၂၀၁၃