မိမိကိုယ်မိမိသတ်သေမှု ကာကွယ်တားဆီးရေး အရေးပေါ်ဖုန်းနံပါတ်

 

လုယုသို့

 

ဧပရယ် တစ်ညနေသား ဒေးဗစ်ဆိုတဲ့ ငတိ မစ္စစ္စပီတ၀ိုက် ရေတိမ်အင်းတွေဘက်ဆီ လျှောက်သွား သူ့ဘိုးဘွားတွေနဲ့ တိတ်တဆိတ် ပေါင်းစည်းသွားတယ် – ငါတို့ သူ့နာမည် နောက်ဆုံးအလုံးတောင် မသိလိုက်ရ

 

ထူးထူးခြားခြား ပြောလိုမရတဲ့ ဒီဇင်ဘာတစ်ရက် နေအထွက်လောက်မယ် ဂျေဆန်ဆိုတဲ့ဘဲ သူ့အနီရောင် ကာဝါဆကီရဲ့ သတ္တုပြောင်လက် ကိုယ်ထည်ပေါ် လွှားကနဲတက် တင်နက်ဆီ အဝေးပြေးကားဝင်းရဲ့ ထရံအပျက်ကို ၀င်အောင်းပစ်လိုက်တယ် – ငါတို့ လှမ်းအော်နေတာ သူကြားပုံမရ

 

တဲလာဟတ်စ် မြောက်ဘက် အထွက်နားလေးမယ် ရဲအရာရှိတစ်ယောက် တညလုံး အလုပ်ဆင်းပြီးတော့ သူ့မော်နီတာကိုပိတ် ငါးစင်တွေရှေ့ဖြတ် လှေဆိပ်ဘက်လျှောက်သွား ဧရာမတိုင်ကြီးတွေကို မှီရင်း အရုဏ်မကျင်းတကျင်း အလင်းထဲ ပင်လယ်ရဲ့ အစိမ်းရောင်တောင်ကုန်းတွေ ရိုက်လားပုတ်လား ဖြစ်နေတာ ကြည့်တယ် – ဖုန်းမြည်လာတော့ သူ့သာတောင့်သာယာအချိန်ကလေးဖဲ့ပြီး သူဖြေတယ်

 

မူရင်းကဗျာဆရာ = Stanislaw Borokowski

မူရင်းကဗျာ = Suicide Prevention Hotline

မူရင်းဘာသာ = ဂျာမန်

အင်္ဂလိပ်ဘာသာ ပြန်ဆိုသူ = Chris Michalski

Read Full Post »

တယောက်သော – ၂

အိပ်မက်ထဲမှာ

သူဟာ ကားကို ဒရစ်ဆွဲနေ

ရိုးသားရင်း

ယုံကြည်ရင်း သူ အိုသွားပြီ

တခုခုကို တိုက်မိမလို

ဖြစ်သွားသေးတယ်

သူ့မိန်းမရဲ့ တင်ပါးတွေတောင်

အရင်လို ကြည့်မကောင်းတော့

အပြင်မှာ

သူစတီယာရင်တောင် မကိုင်ဖူးဘူးဆိုတာ

အိပ်မက်ထဲမှာတင် သတိရ

 

သတိတွေရ

Read Full Post »

The_Actor

လူသေအလောင်းတလောင်းအဖြစ်
သူ၏ သရုပ်ဆောင်ဘဝကို စတင်ခဲ့သည်
နောက်တကားတွင်
ကလေးတယောက်က ကိုယ်ဝန်ဆောင်ကို ပစ်ပေါက်လိုက်သော နှင်းဘောလုံး
(ထိုနှင်းဘောလုံးကြောင့် ကိုယ်ဝန်ပျက်ကျသွား) အဖြစ်ပါဝင်သည်
ထို့နောက်သူ ကံပိုလိုက်လာသည် ပြောရမလား
ရာစုနှစ်တဝက်လောက် ပရိသတ်ရင်ကို ဖမ်းစားခဲ့သည့် မင်းသမီးနှင့် တွဲဖက်ပါဝင်ခွင့်ရ
(ထိုကားတွင် မြစ်ရေအဖြစ် သူပါဝင်ခဲ့ပြီး
မင်းသမီး၏ နာမည်ကျော်ပေါင်များကို
သူ အောက်မှ ပင့်၍ အားရပါးရ ကြည့်ခွင့်ရ)
ထို့နောက်ကားရိုက်ပြတ်သွားပြီး ငွေလိုသဖြင့်
သိပ်အရေးမပါသော အခန်းမှ ပါဝင်ရန် သဘောတူခဲ့ရသည်
ထိုကားတွင် စိတ္တဇ လူသတ်သမား မင်းသား၏ မျက်နှာဖုံးအဖြစ် သူ ပါဝင်ခဲ့
(စကားကို သွားကြားမှလာသောလေသံဖြင့်ပြောရင်း
ခြောက်ကပ်ကပ်ရယ်သံကို ပြုလုပ်နေစဉ် မင်းသားမျက်ရည်ကျနေသည်ကို သူမြင်ခဲ့)

 

 

Read Full Post »

တယောက်သော-၁

 

သူ သေပြီးတော့

သူအိမ်ပြန်လာတယ်

သူ့ပုံစံကြည့်ရတာ

နဲနဲတော့ ရိပ်မိပုံရတယ်

အိမ်ဘေး တိုင်ကီပြတ်မှာ

ရေချိုးနေတုံး

သူ့အမေက တခုခု ပြောလိုက်တယ်

ဘာမှမကျန်တော့ဘူလားလို့

သူပြန်မေးတာ ကြားလိုက်တယ်

သူ့အမေက ခေါင်းခါတယ်

ခေါင်းပေါ် ရေလောင်းချရင်း

သူငိုတယ်

ဧည့်ခန်းထဲမှာ

မင်းကောင်မလေးကို

ပေးစရာရှိလား မေးလိုက်တော့

အိတ်ထဲနှိုက်ပီး

စာတစ်စောင် ထုတ်ပေးတယ်

နောက်တစ်စောင်ထပ်ပေးတယ်

အားလုံးတွန့်ကြေလို့

ပြီးတော့

သူ့ခရီးဆောင်အိတ်လေးထဲ

ပန်းကန်တလုံး

အသာထည့်နေတယ်

သေချာမမှတ်မိဘူး

တခုခုက

ငါ့ခေါင်းကိုလာတိုက်သလိုပဲ

လာရိုက်မိတာလဲ ဖြစ်ချင်ဖြစ်မယ်လို့

လှမ်းပြောတယ်

Read Full Post »

ဆံရှည်လော်ရီကား

 

စက်တင်ဘာဟာ လော်ရီကားများလပဲ

မြက်ခြောက်တွေနဲ့ လေးလံ လမ်းသွယ်တလျှောက်

အစည်းပြေ ကောက်ရိုးတွေ လျောင်းစက်နေတယ်။

ကျောင်းတက်ချိန်လွန်သွားတာ ကြာခဲ့ပြီ

ဧရာမကျူတောထဲ နွေ မေ့ကျန်ရစ်တဲ့

အသက်မဲ့ အသိုက်တွေထဲ

အချိန်ဟာ တိတ်သွား ပိတ်သွားတယ်။

 

အမြှေးပါးတွေ ဥထဲမယ် တွန့်လိပ်ကုန်ပြီ

တ၀က်တပျက် အကောင်ပေါက်လေးတွေ

အခွံရဲ့ အပေါက်သေးမွှားတွေကနေ စိမ့်ဝင်ဖြတ်ပြီး

သူ့တို့ အရိုးတွေကို စွန့်ခွာသွားပေါ့

လော်ရီကားရဲ့ ပွယောင်းယောင်း ဆံပင်တွေ ဖြီးသင်ဖို့

လမ်းအတိုင်း အဲဒါ ရှေ့ဆက်သွားခိုက်

စက်တင်ဘာရဲ့ လေထဲမယ် နာရေးသတင်းတွေရဲ့

အနံ့တစ်ခုခု ခြေရာလက်ရာတစ်ခုခုရှိနေရဲ့။

 

မူရင်းကဗျာဆရာ – Niels Hav ရဲ့

မူရင်းကဗျာ – The Long-haired Lorries ကို ပြန်ဆိုပါတယ်

မူရင်းဘာသာ – ဒိန်းမတ်

အင်္ဂလိပ်ဘာသာပြန်ဆိုသူ – Heather Spears

 

Read Full Post »

ပလုံစီများ

 

ပင့်သက်တချက် ရှိုက်လိုက်တုံး ငါအဖေ့ဆီ စိတ်ရောက်သွား ‘နင့်အဖေ အိပ်ယာထဲ လဲနေ၊

အောက်ဆီဂျင် ပေးထား၊ အရိုးနဲ့ အရေပဲရှိတော၊့ အိမ်သာသွားဖို့တောင်

လူကူနေရ’

တစ်ရက်နှစ်ရက်တုံးက အမျိုးတစ်ယောက် ဖုန်းနဲ့ ပြောပြ

အဖေဘာတွေ တွေးနေမလဲ ငါတွေးကြည့်လို့မရ

ဒါပေမယ့် သူရေကူးတဲ့ပုံ သူပြန်မြင်ယောင်နေမယ် ငါယုံတယ် တခါတုံးက ယန်ဇီမြစ်ကိုတောင်

သူဖြတ်ကူးခဲ့တာ

 

လက်နှစ်ဖက်လုံးနဲ့ ငါအသာအယာ ခတ်သွားလိုက်တယ် ဒီရိုးစင်းတဲ့ လှုပ်ရှားမှုမျိုး

ငါ့အဖေ တခါပြန်မခံစားနိုင်တော့ ဦးခေါင်းဟာ

ရေထဲ စိုက်ဝင်သွား တခါ ပြန်မော့လာ တခါ ပြန်စိုက်ဝင်သွား တခါ ပြန်မော့လာ

ငါအောက်ခြေထိ ငုပ်သွား ကင်းမွန်တွေကြား ကခုန်နေတဲ့ အရိပ်တွေ တို့ထိမိ

တခါသားနွေဘက်ရေဆင်းချိုးကြတုံး မြင်ကွင်းဟာ ငါ့ကို ဆွဲဆုပ်လိုက်တယ် ဟွမ်ပုမြစ်ထဲ

င့ါအဖေရဲ့လက်ဟာ ဆိပ်ကမ်းက ၀န်ချီစက်လက်တံလို

ရှစ်နှစ်သား ငါ့ကို အသာအယာ မြှောက်ချီခဲ့ အဲဒီတုံးကသူဟာ အခုငါထက် ငယ်တယ်

ရုတ်တရက် ငါ့ကို တစ်ခုခုထိုးလိုက်တယ် ရေနစ်သူလို

အပေါ်ဘက်ဆီငါ ပြန်ရုန်းတက် ငါ့နံဘေး လှိုင်းတွေ

သူ့ကြွက်သားများ ဖြစ်လာ ပြီးတော့ ရုတ်ချည်း ပလုံစီများသာ ကျန်ခဲ့

ငါ အသက်ပြင်းပြင်းရှုနေ ကူးခတ်မောပန်းနေတာ ငါလား ငါ့အဖေလား

အခု ငါမသိတော့

 

မူရင်းကဗျာဆရာ = Li Li

မူရင်းကဗျာ = Bubbles

မူရင်းဘာသာ = တရုတ်

အင်္ဂလိပ်ဘာသာပြန်ဆိုသူ = Eleanor Goodman

Read Full Post »