Feeds:
Posts
Comments

Archive for the ‘Translation’ Category

(ပီကာဆို ပန်းချီများ၏ နောက်ဆက်တွဲ)

 

အဲဒါကို ပထမဆုံး စတွေ့တာ ကျုပ်ပဲ။

 

ဒင်းက ခြေသုံးခြောင်းနဲ့၊ ခေါင်းနှစ်လုံးနဲ့ဗျား။

ကျုပ်တို့ထဲက အသက်အကြီးဆုံးလူတောင်မှ

အဲဒါမျိုး ကြားလည်းမကြား မြင်လည်းမမြင်ဖူးဘူးဆိုပဲ။

အိမ်နားနီးပါးတွေအားလုံး လမ်းပေါ်ကနေ တိုးဝှေ့ကြည့်ကြတယ်၊

နောက်တော့ တစ်ရွာလုံးပါလာပါလေရော၊

အံ့ဖွယ်အဖြစ်က တစ်နယ်လုံးက လူတွေကို ဆွဲခေါ်လိုက်တယ်။

အဲဒီ မကောင်းဆိုးဝါးကို ဒင်းအမေကြီးက

လျှာနဲ့ ရက်ပေးနေတာ ကျုပ်တို့ ကြောက်ကြောက်နဲ့ ကြည့်နေခဲ့ကြတယ်။

 

အဲဒါ စစ်ကြီးဖြစ်နေတုံး အီစတာ တနင်္ဂနွေတစ်ရက်ပေါ့။

 

“ဘုရားရိုက်တာ ဘုရားရိုက်တာ”လို့ အဘွားကြီးတစ်ယောက် ရေရွတ်လိုက်တယ်။

မိန်းမတွေအားလုံး အဲဒီအတိုင်း လိုက်မြည်တမ်းကုန်ကြတယ်။ ယောက်ျားတွေကတော့

မိန်းမတွေရှေ့ ပိတ်ရပ်ပြီး သုန်သုန်မှုန်မှုန်နဲ့ ကြည့်နေကြတယ်။ တစ်ယောက်တစ်ခွန်း ပြောအပြီး

ကလေးတွေကို အိမ်ဖက်ဆီ ပြန်မောင်းထုတ်လိုက်ကြတယ်။

 

“အပြစ်လောကထဲက အပြစ်သားပဲ” အဘွားကြီးက

ထမြည်ပြန် ကျန်တဲ့လူတွေ လိုက်ရွတ်ကြပြန်တယ်။

ယောက်ျားသားတွေကတော့ ဝေခွဲမရပုံမျိုးနဲ့ ၀ိုင်းပတ်ရပ်နေကြတယ်။

 

“သိပ်တော့ မခံလောက်ဘူး မတ်တပ်တောင် မရပ်နိုင်တာ ကြည့်ပါလား”

“ဒင်းဒုက္ခကို အဆုံးသတ်ပေးရမယ်”

ဒါပေမယ့် ဘယ်သူမှတော့ ရှေ့ထွက်မလာကြဘူး။

 

“အပြစ်ကင်းတဲ့သွေးတွေပဲ၊ အပြစ်ကင်းတဲ့သွေးတွေ။ ဘုရားသခင်

ကိုယ်ထင်ပြတော်မူတယ်။ အို .. သူ့ရဲ့တစ်ဦးတည်းသောသား။ သိုးငယ်ရဲ့ မွန်မြတ်သောနေ့မှာ..”

“ဘာပေါက်ကရတွေ ပြောနေကြတာလဲ” တစ်ယောက်ယောက်က မိန်းမတွေကို ငေါက်လိုက်တယ်။

 

သိုးအမေကြီးကတော့ သူ့ရဲ့မကောင်းဆိုးဝါးလေးကို အသာအယာပဲ

ဆက်လျက်ပေးနေတယ်။ မီးဖွားပြီးစ မိခင်တစ်ယောက်ရဲ့

အပျော်တစ်ခြမ်း နွမ်းနယ်မှုတစ်ဝက်ပါတဲ့အကြည့်နဲ့ ၀ိုင်းနေတဲ့လူတွေကို

ရီဝေေ၀ လှမ်းကြည့်တယ်။ နောက်တော့ တစ်ချက်တုန်သွားပြီး

ဓမ္မတာအတိုင်း

အချင်းချလိုက်တယ်။

 

“အံ့စရာပဲဟေ့၊ ငါပြောမယ်၊ အံ့စရာပဲ”

“ပြတိုက်ပို့ဖို့ကောင်းတာဗျ”

“ဟေ့ကောင် မင်းတို့တော့ ပွပြီ” တစ်ယောက်ယောက်က

မိန်းမတွေကို ခဏလောက် တိတ်သွားအောင် လုပ်လိုက်ပြီးတော့

အဲဒီအသံတွေ ထွက်လာပြန်တယ်။

 

“မတ်တပ်ထ ရပ်ချင်နေပုံပဲ”

“တိရိစ္ဆာန်ဆရာဝန် ခေါ်ဟ”

“တိရိစ္ဆာန်ဆရာဝန်ကဖြင့် ရှေ့ရောက်နေပေါ့”

 

ဒင်းခမျာ လုံးဝကို ထမလာတာ။ သိပ်မကြာခင်ပဲ သေရှာတယ်။

ကျုပ်တို့မလည်း ခုမှ စိတ်သက်သာရာတွေရ အိမ်ကိုပြန်ကြတော့တယ်။

 

တစ်နွေလုံး စကားပြောရင် အဲဒီအကြောင်းက ပါ ပါလာတယ်။ တစ်ယောက်ကဖြင့်

အဲဒါကို ပြန်ဖော်မယ်တောင် ကြံသေးရဲ့။ နောက်တော့

မေ့သွားကြတော့တယ်။ ကျုပ်တို့ သိဖူးကြုံဖူးသမျှ

သဘာဝတရားရဲ့ တခြားချောက်ခြားစရာတွေကြားထဲမယ်

တဖြေးဖြေး ဟန်ကျပန်ကျ ဖြစ်သွားတော့တယ်။ နောက်တော့မှ ကျုပ်လည်းသိလာရတယ်။

အဲဒီအချိန်လောက်တုံးက ခြေခြောက်ချောင်းနဲ့ မြင်းတွေ နွားတွေ မွေးတာ၊

ဥရောပနေရာ အတော်များများမှာ မျက်လုံးလေးလုံး ခေါင်းနှစ်လုံး မိန်းမတွေ

တစ်ငိုတည်းငိုနေရတာ၊ ဂျပန်မှာတော့

အားလုံး ခရစ်ယာန် မဟုတ်ပေမယ့် အီစတာသိုးပေါက်စရဲ့

ချောက်ခြားစရာ အမှတ်ရဖွယ်အကြောင်းဟာ

အတော်လေးကို အသက်ဝင်နေသေးတာတွေကိုပေါ့။

 

မူရင်းကဗျာဆရာ – Sándor Kányádi

မူရင်း ကဗျာ – Easter Lamb

မူရင်းဘာသာ – ဟန်ဂေရီ

အင်္ဂလိပ်ဘာသာသို့ ပြန်ဆိုသူ – Paul Sohar

Advertisements

Read Full Post »

 

ကြွေပြားကပ် ကောင်တာမယ်

သွေးနဲ့နေရောင်ဟာ ပေကျံနေပြန်ပေါ့

မြို့ကလေးရဲ့ စတိုးဆိုင်အိုဆီမယ် သားသတ်တဲ့နေ့ ရောက်လာပြန်ပေါ့

သားသတ်သမားဟာဖြင့် ပြုံးရယ်လို့

သူ့လက်က သွေးတွေကို သုတ်ပစ်နေပြန်ပေါ့

ရေဒီယိုမယ် ဟန်ဒယ် ရဲ့ သီချင်းလာနေပြန်ပေါ့

ဆံပင်နက်နက်နဲ့ လာနေကျဖောက်သည်ရဲ့ အထက်ဆီမယ်

နှင်းဆီရိုင်းတွေ ဝေနေပြန်ပေါ့

 

မူရင်း ကဗျာဆရာမ – Judita Vaičiūnaitė

မူရင်း ကဗျာ – Store

မူရင်းဘာသာ – လစ်သူရေးနီးယား

အင်္ဂလိပ်ဘာသာ ပြန်ဆိုသူ – Rimas Uzgiris

၁ – Handel

၂ – dog rose

Read Full Post »

 

တမန်တော်ဟာ ငွေရောင် ဂျက်ကက် အင်္ကျီအိတ်ထဲ သူ့လက်တွေ ထိုးထည့်ထားတယ်

 

စားပွဲပေါ်မယ် လိမ္မော်သီးနီတွေ လိမ့်နေတာ

စားပွဲတစ်ဘက်ကနေ ကျမတို့ ကြည့်ကြတယ်။

ခုန်နေတဲ့အလင်းက ကျမကို ပြတယ်

အပြင်ဘက်မယ် ဆီးပင်တွေဟာ ရှေးခေတ်စစ်သည်တော်တွေ အပြစ်ပေးခံရတဲ့အခါဖြစ်သွားတဲ့

ပြားချပ်ချပ်အလောင်းကောင်တွေနဲ့ တူနေရဲ့။

 

သူ့ပုံပန်းက ထူးခြားတာမရှိ၊ ဒင်းကတော့ ယုံရတယ်ဟေ့လို့ပြောလေ့ရှိကြတဲ့

သစ္စာတော်ခံပုံမျိုးလေ။

အနာဂတ်အတွက် အချိန်ဇယားတစ်ခုကို အပြီးသတ်နေရသလိုမျိုး

တိတ်ဆိတ်ခြင်းရဲ့ နောက်ကွယ်မှာ တိတ်ဆိတ်ခြင်းဟာ စကားကို သွက်သွက်ပြောနေ။

 

ကျမရဲ့အထဲက ကျမထွက်လို့မရ

ပြေးရတာလည်း မဟန်

ရုန်းရကန်ရတာလည်း မဟန်

ခုန်ထွက်သွားဖို့လည်း မဟန်

ကောင်းကင်နဲ့ မြေကြီး ရွေ့သွားအောင် ကျမလုပ်နိုင်သမျှက

ဟောဒီ စိတ်ပျက်ဖွယ် နေ့လည်ခင်းထဲ လျော့တိလျော့ရဲ ထိုင်နေရုံ

အချိန်နဲ့ ကျမကြား ဆက်ဆံရေးဟာ အဆင်မပြေခဲ့တော့

ကျမ သူ့ကို ရှောင်နေရုံပဲလေ။

 

လ ထွက်လာပြီး သူ့ရဲ့မောင်းကလေးကို တီးလိုက်တယ်

ကျမလည်း တံခါးကို ဖွင့်လိုက်တယ်၊ ဆည်းဆာရဲ့ နောက်ဆုံးအလင်းထဲ ကျမ သေမင်းရဲ့ တမန်တော်ကို လိုက်ပို့ခဲ့တယ်

ပြီးတော့ သူနဲ့ ကျမ ကိုယ့်လမ်းကိုယ် ဆက်သွားကြတော့တယ်။

 

မူရင်းကဗျာဆရာမ – Wang Xiaoni

မူရင်းကဗျာ – Meeting Death’s Envoy on a Winter Afternoon

မူရင်းဘာသာ – တရုတ်

အင်္ဂလိပ်ဘာသာပြန်ဆိုသူ – Eleanor Goodman

၁။ ဆန်းကစ်နီနီဆိုရင်တော့ ပိုမှန်မယ်။

Read Full Post »

 

စုပ်ကြည့်လိုက်သမျှ မှော်ချဉ်ပင် တွေဆီက

ဘာမှမရ

 

စကားလုံးတွေ စကားလုံးတွေ အစိမ်းရောင် တောင်တစ်လုံးဖြစ်လာတဲ့အထိ

ကျွန်တော့်နောက်မယ် ပုံထပ်နေ

အစာရေကြောတွေ ပင်စည်တလျှောက် ယှက်ဖြာနေ

မြေသားနက်နက်ပေါ် လူပင်(န်)ပန်းစေ့တွေ အပြာရောင်အစက်ထင်နေ

 

မြက်ပင်တွေအတွက် အနည်းကိန်းမရှိပေမဲ့

အများကိန်းနဲ့ပဲ သူတို့အစိမ်းရောင် သမ်းခဲ့ကြ

ကျွန်တော် မသိခဲ့ရ

 

ဘာနမ်ဝုဒ် ဟာ တလှုပ်လှုပ်ဖြစ်လာ

သစ်ပင်တွေရဲ့နောက်ကွယ်က အရာတိုင်းနဲ့အတူ

အတွေးတွေ မှောင်မိုက်လာတယ်

 

မူရင်းကဗျာဆရာမ – Agi Mishol

မူရင်ကဗျာ – Betrayal

မူရင်းဘာသာ – ဟီးဘရူး

အင်္ဂလိပ်ဘာသာ ပြန်ဆိုသူ – Joanna Chen

 

၁ – sorrel

၂ – phloem                                             

၃ – lupine

၎ – Birnam Wood (စကော့တလန်မှာရှိတဲ့ တောအုပ်တစ်ခု။ ရှိတ်စပီးယားရဲ့ မက္ကဘတ်ပြဇာတ်ထဲမှာ ကိုယ်ဖျောက်ထားတဲ့ စစ်သားတွေ ပုန်းအောင်းရာ သစ်တော။ သစ်ကိုင်းတွေခုတ်ပီး အဲဒီနောက်မှာ ပုံးနေတဲ့စစ်သားတွေ ရွေ့တာနဲ့ တောအုပ်ကလည်း တလှုပ်လှုပ်လိုက်ရွေ့တယ်လို့ ပါတယ်)

Read Full Post »

အီရတ်

 

ဒီမိုကရေစီက တစ်သေတ္တာနဲ့

ကိုယ်ပိုင်လွတ်လပ်ခွင့် မီးခြစ်ဆံ တစ်ချောင်းရဲ့အနား

ဒီလို အဖြစ်တွေရှိခဲ့တဲ့ လမ်းသွယ်ထဲ

ကျုပ်ဖြင့် ယမ်းနံ့တွေပဲရရနေ

 

ပညာတတ်သကောင့်သားကတော့ အိပ်မောတွေဘာတွေကျလို့

စာတစ်အုပ်ဖြင့် ဒင်းက ပွေ့လျက်သား

သူ့ဘေးမတော့ သူ့မုတ်ဆိတ်မယ် ဒီလိုရေးခဲ့တဲ့သူတွေ-

အရာအားလုံးဟာ စတေးဖို့မျှသာ

 

မူရင်းကဗျာဆရာ – Husam Al-Saray

မူရင်းကဗျာ – The Book’s Biers

မူရင်းဘာသာ – အာရေဘစ်

အင်္ဂလိပ်ဘာသာ ပြန်ဆိုသူ – Alex V. Gubbins

Read Full Post »

 

တခါတခါ စာအိတ်ထဲက ဘာမှထွက်မလာ

စာတစ်စောင် ဒါမှမဟုတ် ၀ါကျတစ်ကြောင်းတောင်မှ ထွက်မလာ

ဘာဆိုဘာမှကို ထွက်မလာ အရုဏ်ဦးလည်း ထွက်မလာ ရှည်လျားနေ့ရဲ့ ဆည်းဆာလည်း ထွက်မလာ

လှောင်ပိတ်နေတဲ့ အနာတွေလို ဒီစာတွေ တစ်နေ့လုံး လှည့်ပတ်နေ

ဖွင့်လိုက်မိတဲ့သူတိုင်း ထိလိုက်မိတဲ့သူတိုင်း လက်တွေ မီးစွဲကြ

တခါတခါ စကားလုံးတွေထဲက ဘာမှမရ စာတွေထဲကလည်း ဘာမှမရ

တခါတခါမှာ ၀ါကျတွေက စာတွေကို လောင်ကျွမ်းပြာချ

 

မူရင်းကဗျာဆရာ – Haydar Ergülen

မူရင်းကဗျာ – Open Sentence

မူရင်းဘာသာ – တူရကီ

အင်္ဂလိပ်ဘာသာ ပြန်ဆိုသူ – Derick Mattern

Read Full Post »

မြေကြီးနဲ့ တရောင်တည်းဖြစ်နေတဲ့ လူတွေ မြောင်းထဲကတက်လာကြ

ဒါဟာ အကူးအပြောင်းနေရာတစ်ခုပဲ တန့်နေတဲ့ နေရာတစ်ခုပဲ နိုင်ငံလဲမဟုတ် မြို့လဲမဟုတ်

မိုးကုတ်စက်ဝိုင်းဆီမယ် ဆောက်လုပ်ရေးကရိန်းတွေ ရှေ့ကိုအဝေးကြီးခုန်ပစ်လိုက်ချင်နေကြ

ဒါပေမယ့် နာရီတွေကတော့ အဲဒါနဲ့ ဆန့်ကျင်ဖက်ပေါ့

ပြန့်ကျဲနေတဲ့ ကွန်ကရိပိုက်တွေ

အေးစက်တဲ့လျှာတွေနဲ့ အလင်းကို လျက်နေ

ကျီအဟောင်းတွေတော့ဖြင့် ကားဘော်ဒီရုံ ဖြစ်ကုန်ကြ

ကျောက်တုံးတွေက လမျက်နှာပြင်ပေါ်က အရာတွေလို ချွန်မြတဲ့ အရိပ်တွေဖြစ်စေ

ဒီနေရာတွေဟာ ဂျူးဒါ့စ်ရဲ့ ငွေနဲ့ ၀ယ်ခဲ့တဲ့ မြေလို

ကျယ်သထက် ကျယ်လာ “သူစိမ်းတွေကို မြှပ်နှံဖို့

သင်္ချိုင်းမြေနေရာ”

 

Tomas Transtromer ရဲ့ Outskirts ကို မိုးဆတ်ဘာသာပြန်သည်

Read Full Post »

Older Posts »