Feeds:
Posts
Comments

Archive for the ‘Translation’ Category

 

အဲဒီမနက်က သူမမျက်နှာ ဖျော့တော့နေ၊ လေဟာ မှောင်နေတဲ့ဂူထဲကနေ တစ်ယောက်ယောက် မျောက်မင်းအူသံ ဆိုနေသလို အသံမျိုးမြည်နေ။ ကျမလည်း သူမကို စကားမဆို သူမကလည်း တိတ်ဆိတ်လို့။ ဘာလို့ဆို ရာသီဥတုခပ်ဆိုးဆိုး မနက်ခင်းတွေများရောက်လို့ကတော့ မေတ္တာသက်ဝင်နေတဲ့ မိန်းမနှစ်ယောက် စကားမပြောဘဲနေကြေး လုပ်ထားကြလို့ပဲ။ ကျမ ပြတင်းပေါက်နား တိတ်တိတ်လေးထိုင်၊ အကွက်အဆင်ပြေးနေတဲ့ ပင်လယ်လှိုင်းတွေ ရေတွက်နေခိုက် သူမက ဆိုဖာပေါ် ငြိမ်ငြိမ်လေး၊ ပြတ်နေတဲ့ ကြိုးတွေကို တို့ထိတီးခတ်နေတော့တယ်။

 

မူရင်းကဗျာဆရာ = Hijab Imtiaz Ali

မူရင်းကဗျာ = Autumn Morning

မူရင်းဘာသာ = အူရဒူ

အင်္ဂလိပ်ဘာသာပြန်ဆိုသူ = Aamer Hussein

 

၁။ dirge

 

 

Read Full Post »

 

ဝင်လုဆဲနေ ဘယ်လောက်ကြီးကြီး ဘယ်လောက်နီနီ

တိုက်တစ်လုံးကွယ်နေတော့ နှုတ်ခမ်းသားပဲမြင်ရ

စာကြည့်ခန်း ပြတင်းဆီ ငါပြေးသွားလိုက်တယ်

ဘယ်ဘက်တခြမ်းလောက်များ မြင်ရလိုမြင်ရငြား

တခါ မီးဖိုချောင်ပြတင်းဘေက် ပြေးရပြန်ရော

ညာဘက်တ၀က်ကို တွေ့ရလေမလား

ငါ့မယ် ဟိုအခန်းပြေးလိုက် ဒီအခန်းပြေးလိုက်

သြော်..နေလုံးခမျာလည်း ငါ့ကို တွေ့ချင်ရှာမှာပဲတွေးမိလို့

 

မူရင်းကဗျာဆရာမ = Yi Lu

မူရင်းကဗျာ = Look at the Sunset

မူရင်းဘာသာ = တရုတ်

အင်္ဂလိပ်ဘာသာ ပြန်ဆိုသူ = Fiona Sze-Lorrain

Read Full Post »

 

နံရံကို ဖာဖို့ ဒါမှမဟုတ်

ငါးရိုးကွက်ခင်းထားတဲ့ ကြမ်းခင်းက

အပေါက်ကို ဖြည့်ဖို့

ခင်ဗျား အုတ်ခဲလိုချင်ရင် အုတ်ခဲတစ်လုံးရအောင်လုပ်ရမယ်

 

အုတ်ခဲတစ်လုံး – ဒိုင်မင်းရှင်း သုံးခုပါတဲ့

အစိုင်အခဲ လေးတယ် ကြမ်းရှရှ

ဒါမှမဟုတ် အပေါက်ပရဗွနဲ့လို့ ခံစားမိစေတယ်

တခြားအုတ်ခဲတွေနဲ့ အတူ ခပ်များများ ထပ်စီထားလိုက်ရင်

ကင်းခြေများတွေ ပင့်ကူတွေ မြှီးညှပ်ကောင်တွေအတွက် အသိုက်ဖြစ်လာမယ်

 

အုတ်ခဲဟာ ဖြစ်တည်နေတယ်

တူနဲ့ခွဲလိုက်ရင် ခွပ်ခနဲ အသံတစ်ချက် ထွက်လာမယ်

လှပတဲ့အသံပေါ့ အုတ်ခဲသံပေါ့ ကြွပ်ဆပ်ဆပ် ပြတ်တောင်းတောင်းအသံပေါ့

 

တစ်ခုအပေါ် တစ်ခု ထပ်နေတဲ့

အုတ်ခဲတစ်လုံးဟာ သူ့ကိုတုပနေတဲ့

စကားလုံးတွေထက် ပိုတန်ကြေးရှိတယ်

 

ကဗျာနဲ့ ငါ အုတ်ခဲတွေ ထုတ်ချင်တယ်

 

မူရင်းကဗျာဆရာ = Massimo Gezzi

မူရင်းကဗျာ = Bricks

မူရင်းဘာသာ = အီတလီ

အင်္ဂလိပ်ဘာသာ ပြန်ဆိုသူ = Damiano Abeni and Moira Egan

Read Full Post »

 

အင်္ဂါအစိတ်အပိုင်းတစ်ခုဟာ ကောင်းကောင်းအလုပ်လုပ်နေရင် ခန္ဓာကိုယ်မယ် မတော်တရော် ဖြစ်တာတွေ ရှိမယ်မဟုတ်ဘူး၊ ဘောလုံးကို တော့နေတဲ့အခိုက် တင်းနစ်သမားကို တိရိစ္ဆာန်တစ်ကောင်ရဲ့ ရိုးသားမှုမျိုးက စီးထားတယ်

 

ဦးနှောက်မလဲ ဒီလိုပဲ၊ တရားအသစ်တစ်ခုတွေ့ခိုက်မယ် အတွေးအခ်ါသမားဟာ သတ္တ၀ါတစ်ကောင် လုံးလုံးကိုဖြစ်လို့၊ အနာတိုးလ်ဖရန့်စ်က ပြောတယ်၊ ဘာသာရေး ကိုင်းရှိုင်းတယ်ဆိုတာ လူ့ကိုယ်ခန္ဓာထဲက စပယ်ရှယ် အင်္ဂါတစ်ခုခုရဲ့ လုပ်ဆောင်ချက်ကြောင့် ဖြစ်ရဆိုပဲ၊ ဘယ်သူမှ မတွေ့ရှိသေးတဲ့ အင်္ဂါတစ်ခုပေါ့၊ ဒီလို ပြောလို့လဲ ရမယ်၊ အဲဒီ ကိုးကွယ်ယုံကြည်မှုဆိုင်ရာ အင်္ဂါအစိတ်အပိုင်းကများ အမြင့်ဆုံး လည်ပတ်လုပ်ဆောင်နေတဲ့အခိုက်ဆိုရင်ဖြင့် အဲဒီငတိမယ် ဘာမတော်တရော် စိတ်ကူးမှ ရှိမယ်မဟုတ်ဘူး၊ တိရိစ္ဆာန်တစ်ကောင်လို့ ခေါ်လိုရလောက်တဲ့အထိပေါ့

 

မူရင်းကဗျာဆရာ = César Vallejo

မူရင်းကဗျာ = From Feuerbach to Marx

မူရင်းဘာသာ = စပိန်

အင်္ဂလိပ်ဘာသာပြန်ဆိုသူ = Joseph Mulligan

Read Full Post »

 

လုယုသို့

 

ဧပရယ် တစ်ညနေသား ဒေးဗစ်ဆိုတဲ့ ငတိ မစ္စစ္စပီတ၀ိုက် ရေတိမ်အင်းတွေဘက်ဆီ လျှောက်သွား သူ့ဘိုးဘွားတွေနဲ့ တိတ်တဆိတ် ပေါင်းစည်းသွားတယ် – ငါတို့ သူ့နာမည် နောက်ဆုံးအလုံးတောင် မသိလိုက်ရ

 

ထူးထူးခြားခြား ပြောလိုမရတဲ့ ဒီဇင်ဘာတစ်ရက် နေအထွက်လောက်မယ် ဂျေဆန်ဆိုတဲ့ဘဲ သူ့အနီရောင် ကာဝါဆကီရဲ့ သတ္တုပြောင်လက် ကိုယ်ထည်ပေါ် လွှားကနဲတက် တင်နက်ဆီ အဝေးပြေးကားဝင်းရဲ့ ထရံအပျက်ကို ၀င်အောင်းပစ်လိုက်တယ် – ငါတို့ လှမ်းအော်နေတာ သူကြားပုံမရ

 

တဲလာဟတ်စ် မြောက်ဘက် အထွက်နားလေးမယ် ရဲအရာရှိတစ်ယောက် တညလုံး အလုပ်ဆင်းပြီးတော့ သူ့မော်နီတာကိုပိတ် ငါးစင်တွေရှေ့ဖြတ် လှေဆိပ်ဘက်လျှောက်သွား ဧရာမတိုင်ကြီးတွေကို မှီရင်း အရုဏ်မကျင်းတကျင်း အလင်းထဲ ပင်လယ်ရဲ့ အစိမ်းရောင်တောင်ကုန်းတွေ ရိုက်လားပုတ်လား ဖြစ်နေတာ ကြည့်တယ် – ဖုန်းမြည်လာတော့ သူ့သာတောင့်သာယာအချိန်ကလေးဖဲ့ပြီး သူဖြေတယ်

 

မူရင်းကဗျာဆရာ = Stanislaw Borokowski

မူရင်းကဗျာ = Suicide Prevention Hotline

မူရင်းဘာသာ = ဂျာမန်

အင်္ဂလိပ်ဘာသာ ပြန်ဆိုသူ = Chris Michalski

Read Full Post »

 

စက်တင်ဘာဟာ လော်ရီကားများလပဲ

မြက်ခြောက်တွေနဲ့ လေးလံ လမ်းသွယ်တလျှောက်

အစည်းပြေ ကောက်ရိုးတွေ လျောင်းစက်နေတယ်။

ကျောင်းတက်ချိန်လွန်သွားတာ ကြာခဲ့ပြီ

ဧရာမကျူတောထဲ နွေ မေ့ကျန်ရစ်တဲ့

အသက်မဲ့ အသိုက်တွေထဲ

အချိန်ဟာ တိတ်သွား ပိတ်သွားတယ်။

 

အမြှေးပါးတွေ ဥထဲမယ် တွန့်လိပ်ကုန်ပြီ

တ၀က်တပျက် အကောင်ပေါက်လေးတွေ

အခွံရဲ့ အပေါက်သေးမွှားတွေကနေ စိမ့်ဝင်ဖြတ်ပြီး

သူ့တို့ အရိုးတွေကို စွန့်ခွာသွားပေါ့

လော်ရီကားရဲ့ ပွယောင်းယောင်း ဆံပင်တွေ ဖြီးသင်ဖို့

လမ်းအတိုင်း အဲဒါ ရှေ့ဆက်သွားခိုက်

စက်တင်ဘာရဲ့ လေထဲမယ် နာရေးသတင်းတွေရဲ့

အနံ့တစ်ခုခု ခြေရာလက်ရာတစ်ခုခုရှိနေရဲ့။

 

မူရင်းကဗျာဆရာ – Niels Hav ရဲ့

မူရင်းကဗျာ – The Long-haired Lorries ကို ပြန်ဆိုပါတယ်

မူရင်းဘာသာ – ဒိန်းမတ်

အင်္ဂလိပ်ဘာသာပြန်ဆိုသူ – Heather Spears

 

Read Full Post »

 

ပင့်သက်တချက် ရှိုက်လိုက်တုံး ငါအဖေ့ဆီ စိတ်ရောက်သွား ‘နင့်အဖေ အိပ်ယာထဲ လဲနေ၊

အောက်ဆီဂျင် ပေးထား၊ အရိုးနဲ့ အရေပဲရှိတော၊့ အိမ်သာသွားဖို့တောင်

လူကူနေရ’

တစ်ရက်နှစ်ရက်တုံးက အမျိုးတစ်ယောက် ဖုန်းနဲ့ ပြောပြ

အဖေဘာတွေ တွေးနေမလဲ ငါတွေးကြည့်လို့မရ

ဒါပေမယ့် သူရေကူးတဲ့ပုံ သူပြန်မြင်ယောင်နေမယ် ငါယုံတယ် တခါတုံးက ယန်ဇီမြစ်ကိုတောင်

သူဖြတ်ကူးခဲ့တာ

 

လက်နှစ်ဖက်လုံးနဲ့ ငါအသာအယာ ခတ်သွားလိုက်တယ် ဒီရိုးစင်းတဲ့ လှုပ်ရှားမှုမျိုး

ငါ့အဖေ တခါပြန်မခံစားနိုင်တော့ ဦးခေါင်းဟာ

ရေထဲ စိုက်ဝင်သွား တခါ ပြန်မော့လာ တခါ ပြန်စိုက်ဝင်သွား တခါ ပြန်မော့လာ

ငါအောက်ခြေထိ ငုပ်သွား ကင်းမွန်တွေကြား ကခုန်နေတဲ့ အရိပ်တွေ တို့ထိမိ

တခါသားနွေဘက်ရေဆင်းချိုးကြတုံး မြင်ကွင်းဟာ ငါ့ကို ဆွဲဆုပ်လိုက်တယ် ဟွမ်ပုမြစ်ထဲ

င့ါအဖေရဲ့လက်ဟာ ဆိပ်ကမ်းက ၀န်ချီစက်လက်တံလို

ရှစ်နှစ်သား ငါ့ကို အသာအယာ မြှောက်ချီခဲ့ အဲဒီတုံးကသူဟာ အခုငါထက် ငယ်တယ်

ရုတ်တရက် ငါ့ကို တစ်ခုခုထိုးလိုက်တယ် ရေနစ်သူလို

အပေါ်ဘက်ဆီငါ ပြန်ရုန်းတက် ငါ့နံဘေး လှိုင်းတွေ

သူ့ကြွက်သားများ ဖြစ်လာ ပြီးတော့ ရုတ်ချည်း ပလုံစီများသာ ကျန်ခဲ့

ငါ အသက်ပြင်းပြင်းရှုနေ ကူးခတ်မောပန်းနေတာ ငါလား ငါ့အဖေလား

အခု ငါမသိတော့

 

မူရင်းကဗျာဆရာ = Li Li

မူရင်းကဗျာ = Bubbles

မူရင်းဘာသာ = တရုတ်

အင်္ဂလိပ်ဘာသာပြန်ဆိုသူ = Eleanor Goodman

Read Full Post »

Older Posts »