၎။
မနက်စောစော ကိုစိုင်းတို့က မနက်စာစားဖို့လာခေါ်တာနဲ့ လိုက်ခဲ့တယ်။ ရောက်တော့ ပထမနေ့က စားတဲ့ရှမ်းခေါက်ဆွဲဆိုင် ဖြစ်နေတယ်။ နာမည်က အခုမှ သတိထားမိတာ ရွှင်ပျော်ပျော်တဲ့။ ခေါက်ဆွဲဆိုင်က ဆရာကြီးက ကျွန်တော့်စိတ်ကူးများ သိနေလားမသိပါဘူး။ အခု ရှမ်းခေါက်ဆွဲတွေက သိပ်မကောင်းတော့ဘူးလို့ သူဟာသူ ပြောပါတယ်။ အဓိကကတော့ အသားကို ကြိတ်စက်နဲ့ ကြိတ်ပြီး လုပ်ကြလို့တဲ့။ အရင်က အသားကို ကြေအောင် လက်နဲ့ ထုရိုက်ယူတာတဲ့။ အဲဒီလို ချေထားတဲ့ အသားကို သုံးတာမို့ ဘာစားစား အရမ်းကောင်းတယ်တဲ့။
စားပြီးတော့ ဈေးထဲလှည့်ပါတယ်။ ကျွဲခေါက်ကျော်နဲ့ ပဲပုပ်ပြားဝယ်ဖြစ်တယ်။
ပထမနေ့ကတည်းက ငှားထားတဲ့ ဟိုက်အေ့စ်လေးနဲ့ပဲ ကျိုင်းတုံ တာချီလိတ်လမ်းပေါ် တက်ခဲ့တယ်။ ပန်ကွဲဆိုတဲ့ နေရာကို ရောက်လာတယ်။ သူက ပုသိမ်လမ်းပေါ်က ဗိုလ်မြတ်ထွန်တံတားအဆင်းလို၊ မော်လမြိုင်လမ်းပေါ်က သိမ်ဇရပ်လို နေရာမျိုး။ ဒေသထွက်စားစရာတွေ (ထိုင်းနဲ့ တရုတ်ကလာတာတွေလည်းပါ) ရောင်းတဲ့ ဆိုင်ကလေးတွေ တန်းစီနေတယ်။ စပါးကိုလည်း စပရိုက်ဗူးတွေနဲ့ ထည့်ရောင်းနေတာ တွေ့ရတယ်။ ရာသီဥတုကလည်း နည်းနည်း အေးစိမ့်စိမ့် ဖြစ်နေတာမို့ စပါးနည်းနည်း ၀ိုင်းစိုက်ကြတယ်။
နည်းနည်းဆက်သွားတော့ ၁၉ မိုင်ဆိုတဲ့ ရွာကို ရောက်လာတယ်။ ရေအားလျှပ်စစ်အတွက် ရေပိုက်ကလေးတွေ သွယ်ထားတယ်။ ပထမနေ့က ရောက်ခဲ့တဲ့ရွာတွေလိုပဲ ရွာက လူခြေခပ်တိတ်တိတ်ရယ်။ ကောက်စိုက်ချိန်မို့ ရွာရှိလူကုန် တောင်ယာရောက်နေတယ်လို့ သိရတယ်။ လေ့လာစရာရှိတာလေ့လာ နေကြတုံး ပါလာတဲ့ ဓာတ်ပုံဆရာက ၀တွေကို ဓာတ်ပုံရိုက်နေလေရဲ့။ ထမင်းမစားခင် ကြက်သားကင်ကြွပ်ကြွပ်လေးနဲ့ စပါးကို အရင်ချပေးတယ်။ စားပြီးတော့ အစာပိတ် နဂါးမောက်သီးတွေ ချပေးလို့ စားကြည့်တော စစ်တီးမတ်က ၀ယ်စားတဲ့အရသာနဲ့ အကွာကြီးကွာနေတာ တွေ့ရတယ်။
စားသောက်ပြီးတော့ ၂၁ မိုင်ဆိုတဲ့ရွာကို ရောက်သွားတယ်။ ဒီဘက်မှာ လူတွေ မိုင်းဂရိတ်ဖြစ်တာများပါတယ်။ တောင်ယာ ရွှေ့ပြောင်းစိုက်တဲ့ နောက်ကို လိုက်ပြီးရွာကို ရွှေ့နေကြပါတယ်။ ၂၁ မိုင် မူလရွာက တောင်ပေါ်မှာလို့ သိရတယ်။ ရွာကတော့ စံပြရွာဆန်တယ်။ တော်တော်သပ်ရပ် သန့်သန့်ရှင်းရှင်းရှိတယ်။ ကျောင်းလည်း ကိုယ်ထူကိုယ်ထ ဆောင်ဖို့ လုပ်နေတယ်။ ရေငန်းသီး ပန်းရောင် ကြွေးပါတယ်။ အရသာကတော့ အရင်စားဖူးတဲ့ ရေငန်းသီးအရသာပါပဲ။ ရွာထဲက ထွက်တော့ တခြားတစ်လမ်းက ထွက်တာမို့ ကြိုးတံတားကို ဖြတ်ရတယ်။ တောင်ပေါ်ဒေသကို ရိုက်ပြတဲ့ ဓာတ်ပုံတွေထဲမှာ တွေ့ရလေ့ရှိတဲ့ ခနော်နီခနော်နဲ့ ၀ါးကြိုးတံတားမျိုး မဟုတ်ပါ။ ကွန်ကရစ်တိုင်နဲ့ သံကြိုးနဲ့ ပျဉ်ခင်းကြိုးတံတားဖြစ်ပါတယ်။ ဆောက်လုပ်ရေး ကုမ္ပဏီနဲ့ အင်ဂျင်နီယာနဲ့ ဆောင်ထားတာလို့ ထင်မိပေမယ့် ရွာက ကိုယ်ထူကိုယ်ထလုပ်ပြီး ရွာသားတွေကိုတိုင် ဆောင်ထားမှန်းသိရလို့ အတော်အံအားသင့်မိပါတယ်။
အပြန် ပန်ကွဲမှာဝင်ပြီး လက်ဖက်ခြောက်ဝယ်ပါတယ်။ ဒီဘက် (ရှမ်းပြည်နယ်အရှေ့ပိုင်း)က လက်ဘက် နာမည်မကြီးပါဘူး။ စိုက်တာတောင် ခုမှ စစိုက်ကြတာလို့ ဆိုတယ်။
ညကျတော့ အောင်ခိုင်-နောင်တုံ စက်ဝိုင်းတစ်ပတ်ထပ်လည်ပါတယ်။ လေးညလုံးလုံး ဒါပြီးဒါဆိုတော့ လူလည်း တော်တော်ငြီးနေပါပြီ။
၅။
နောက်နေ့မနက် ကိုးနာရီလောက် ဗင်တစ်စီးနဲ့ ကျိုင်းတုံက ပြန်ထွက်ခဲ့ပါတယ်။ ကားကြုံကပ်စီးတဲ့ ငနဲက တိုက်တဲ့ ဘီယာကို ငုံးဥဆားစိမ်လေးနဲ့ မြည်းရင်း အခုထိ အမည်မသိရသေးတဲ့ ချောင်းကြီးကို ငေးရင်း လိုက်ပါလာခဲ့တယ်။ မိုးက ရှမ်းတောင်တန်းတွေပေါ်ကို သည်းသည်းမည်းမည်း ရွာချလိုက်ပါတယ်။ ကားကက်ဆက်က ဘာမဆီညာမဆိုင် ထွက်ပေါ်နေတဲ့ ထီးဆိုင်ရဲ့ အညာနွေ သီချင်းသံကို နားဆင်ရင်း ကျွန်တော်လည်း အိပ်ငိုက်လာခဲ့ပါတယ်။
end
Kanyan's Blog 