စပါး၊ ပိုးစိမ်းကောင်နှင့် မိုင်းဂရန့်ပုံပြင် (continued)

၂။
နောက်နေ့မနက် အစောကြီး နိုးလာတယ်။ ဘယ်သူမှ မနိုးသေးတာနဲ့ ဈေးဘက်ကို တစ်ယောက်ထဲ ထွက်လာခဲ့တယ်။ ရှမ်းခေါက်ဆွဲဆိုင်တွေ တန်းစီနေတာပဲ။ အစွန်ဆုံးက ဆိုင်တစ်ဆိုင်မှာ ထိုင်လိုက်တယ်။ အရသာက ရန်ကုန်မှာ စားနေကျတွေထက် သိပ်မထူးလှဘူး။ ၀က်ခေါက်ကြောက်တုံးတွေ ထည့်ပေးတယ်။ တစ်ပွဲ တစ်ထောင်။
နောက်တစ်နေ့တော့ ကားနဲ့ သာယာကုန်းဆိုတဲ့ ရွာကို သွားကြတယ်။ ရွာက လားဟူရွာကလေးပါ။ ကလေးတွေရဲ့ သွားကျန်းမာရေးလှုပ်ရှားမှုတွေကို သွားပြီး လေ့လာကြတာပါ။ ဧည့်သည်တွေလာမှာမို့ ကလေးတချို့ လားဟူဝတ်စုံ ၀တ်ထားတယ်။ မြန်မာစကားတတ်သူ နည်းတယ်။ နေ့လယ်စာမှာတော့ ဟင်းဆန်းတစ်ခွက်ပါလာတယ်။ ၀က်ခြေထောက် ချဉ်ရေစိမ်ဆိုပဲ။ အစိမ်းပဲပေါ့။ စားလို့တော့ အတော်ကောင်းတယ်။ အိမ်တွေမှ ဆားငံသီးတွေ ပုလင်းတွေနဲ့ စိမ်ထားကြတယ်။ ဒီဘက်မှာ ခြံမြေရယ်လို့ အပိုင်မရှိပဲ ပြောင်းရွှေ့နေထိုင်ကြတယ်။ တချို့လည်း ဒေသလုပ် အုတ်စိမ်း (မီးမဖုတ်ထား)နဲ့ တိုက်ဆောက်ပြီးနေကြတယ်။ ဒီအိမ်က တစ်ယောက်ပြောင်းသွားရင် နောက်ပြောင်းလာတဲ့တစ်ယောက်က သူကြီးနဲ့ ညှိပြီး အဲဒီအိမ်ကို တက်နေလို့ရတယ်။ တောင်ယာလုပ်တဲ့နေရာကို လိုက်ပြီး ရွာတွေ ရွှေ့ရတာပဲ။ တောင်ယာနောက်လိုက်ရင်း ရွာတွေ ကွဲကုန်တာလည်းရှိတယ်။
နောက်တော့ ဟိုနားနဲ့ ၀မ်အင်ဆိုတဲ့ ရွာနှစ်ရွာကို ၀င်တယ်။ ဟိုနားမှာ ကင်းကော်ဖီမစ် (ရွာတွေဘက်မှာ ငါးဆယ်တန်ကော်ဖီမစ်တွေပဲ သောက်ကြတယ်) သောက်ရင်း ဓမ္မဆရာနဲ့ စကားစမြည် ပြောဖြစ်တယ်။ တောင်တွေ တောင်ကတုံးဖြစ်နေတာများတယ်လို့ စကားစလိုက်တော့ ပိုးစိမ်းကောင်ကိုက်တာ ဆရားလေးရေ့လို့ ပြန်ပြောတယ်။ ရွာသားတွေကတော့ အိမ်လေးဆောက်ဖို့ ၊ ထင်းရဖို့ ခိုးခုတ်ကြတာ ရှိတယ်။ အပင်တွေမရှိတော့ စမ်းတွေလည်း ခန်းတဲ့အထိ မဖြစ်တောင် ရေနည်းကုန်ပြီလို့ ဆိုတယ်။ ဟိုနားမှာ ဒိုက်ဦးကနေ သားဖွဆရာမလာလုပ်တဲ့ ဆရာမလေးတစ်ယောက်လည်း တွေ့ရတယ်။ အော်..မိုင်းဂရန့် ၀ါကာဆိုတာထဲ သူကလေးလဲပါထင်ပါရဲ့။
ညကျတော့ အောင်ခိုင်ပဲ။ ခေါက်ကျရည်ဆိုတာ တလုံးသောက်ကြည့်တာ တော်တော်ကောင်းသွားတယ်။ ခေါင်ရည်ကို အရက်ပြန်ချက်ထားတာတဲ့။
၃။
မနက်အိပ်ယာထတော့ လူက နည်းနည်း နုံးနေတယ်။ ဒီနေ့တော့ မြို့ပေါ် အစီအစဉ်ပဲ။ ငှက်ဖျားဆရာဝန်ကြီး၊ မြို့နယ်ဆရာဝန်တို့နဲ့ တွေ့တယ်။ နေ့လည်ကျ အိပ်ခ်ျအိုင်ဗွီဖြစ်နေသူ တချို့နဲ့ တွေ့တယ်။ တစ်ယောက်ဆို ဖြစ်မှန်းသိနေတာပဲ ဆယ့်တစ်နှစ်ရှိပြီတဲ့။ လောလောဆယ်တော့ ကျန်းမာနေတုံးပဲ။ စသိတာက ကိုယ်ဝန်ရနေတုံးသိတာ။ အဲဒီကိုယ်ဝန်ကမွေးတဲ့ကလေးလည်း ပိုးရထားတယ်။ သူလည်းရောဂါမဖြစ်တော့ မဖြစ်သေးဘူး။ နောက်တစ်ယောက်အိမ် ဆက်သွားတယ်။ ပုံမှန်အတိုင်းပဲ အလုပ်လုပ်စရာရှိလုပ်တယ်။ ပတ်ဝန်းကျင်ကလည်း ကျဉ်ထားတာမျိုး မရှိဘူး။
အခါယဉ်ကျေးမှုအသင်းရုံးလည်း လမ်းကြုံလို့ ၀င်ဖြစ်တယ်။ အခါတွေရဲ့ ၀တ်စုံကတော့ တော်တော်လှတယ်။ ၀တ်စုံတစ်စုံကို သိန်းနှစ်ဆယ် သုံးဆယ်တန်တာတွေတောင်ရှိတယ်တဲ့။ ကိုအောင်ဌေးက အရင်တိုးရ်ကုမ္ပဏီမှာ လုပ်ဘူးသူမို့ မြန်မာတိုင်းရင်းသားတွေထဲမှာ အခါ တွေဟာ ကမ္ဘာသိတဲ့လူမျိုးတစ်မျိုးဖြစ်တဲ့အကြောင်း ပြောပြတယ်။ ရွှေတြိဂံနဲ့ အခါကို တိုးရစ်တွေ အရမ်းစိတ်ဝင်စားကြတယ်တဲ့။ အခါအသင်းက ပြက္ခဒိန်ကို ကြည့်မိတော့ အခါတိုင်းရင်းသူမလေးတွေ အတော်ကို လန်းကြတာ တွေ့ရတယ်။ အခါအသင်းအနေနဲ့ အခါဘာသာကို တစ်မျိုးတည်း (လောလောဆယ် သုံးမျိုးကွဲနေ)ဖြစ်အောင် ကြိုးစားနေတယ်လို့ သိရတယ်။
နေ့လည်စောင်းမှာ သစ်တပင်တောင်ကို ရောက်သွားတယ်။ သစ်တပင်တောင်ထိပ်မှာ အလောင်းဘုရား ပြောင်းပြန်စိုက်ခဲ့တယ်ဆိုတဲ့ ကညင်ဖြူပင်ကြီးတွေ့ရတယ်။ သစ်တောဦးစီးဌာနက သစ်ပင်ရဲ့ သက်တမ်းနဲ့ အလောင်းဘုရားခေတ်ကို ယှဉ်ပြထားတယ်။ တိုင်းရင်းသားစည်လုံးညီညွတ်ရေးအတွက် ထင်ပါရဲ့။ ဦးအောင်ဇေယျက သစ်ပင်ပြောင်းပြန်စိုက်ပြီး ကျွဲတစ်ကောင်ခိုး၊ အသီးပိုးထိုး၊ သမီးလူ -ိုး ဆိုပြီး ကျိန်စာတိုက်ခဲ့တယ်လို့ အဆိုရှိတာကိုး။
ညကျတော့ အောင်ခိုင်၊ နောင်တုံ၊ သည်ဆိမ်းစကက်ဂျူးပါပဲ။